Qirg‘iziston mahsulotlari Farg‘ona va Toshkent orqali Rossiyaga yetkazib berilsa, ayrim oziq-ovqatlar narxi arzonlashishi mumkin. Bu haqda EastFruit xabar bermoqda.
“Agroekspress”ning yangi yo‘nalishlari ishga tushirilishi O‘zbekistonga foyda keltirishi mumkin. Ayni paytda Qirg‘iziston ham loyihaga qo‘shilish jarayonidadir.
Shu munosabat bilan “Agroekspress” rahbariyati ikkita yetkazib berish yo‘nalishi bo‘yicha ish olib boryapti va ulardan biri O‘zbekiston shaharlari orqali o‘tadi: O‘sh—Farg‘ona—Toshkent—Moskva.
“Agroekspress” – RJD Logistika’ning “Rossiya eksport markazi” ishtirokidagi ixtisoslashtirilgan xizmati bo‘lib, tezyurar konteyner poyezdlari yordamida Xitoy, O‘zbekiston va MDH davlatlariga qishloq xo‘jaligi mahsulotlarini yetkazib beradi.
Kamroq vaqt va kamroq byurokratiya
“Agroekspress” loyihasi butun Yevrosiyo iqtisodiy ittifoqi (YOII) makonini qamrab olishini hisobga olsak, yangi yo‘nalish tufayli O‘zbekiston barcha tez buziladigan mahsulotlarni Rossiya, Qozog‘iston va Belarusga tezlik bilan hamda ortiqcha yo‘qotishlarsiz yetkazib berish imkoniga ega bo‘ladi.
Loyiha natijasida, O‘zbekistonning o‘ziga ham go‘sht va sut mahsulotlari odatdagidan tezroq yetib kelishi aytilmoqda.
Plexanov nomidagi Rossiya iqtisodiyot universitetining Toshkent filiali dotsenti Ravshan Nazarov shunday fikr bildirmoqda:
Yetkazib berish muddatini qisqartirish va saqlash xarajatlarini kamaytirish tovarlarning iste’molchi uchun arzon bo‘lishini ta’minlaydi, — deydi Plexanov nomidagi Rossiya iqtisodiyot universitetining Toshkent filiali dotsenti Ravshan Nazarov.Bunda byurokratiya bilan bog‘liq jihatlarni ham hisobga olish zarur. “Agroekspress” loyihasi chegara va bojxona masalalarini to‘liq tartibga solish, shuningdek, soddalashtirish imkonini beradi.
Barcha kelishuvlar o‘z kuchida qolgan
Qirg‘izistonning janubiy hududi orqali yuk tashishdagi yo‘nalish O‘zbekiston hududidan o‘tadi. Tranzit masofasi Qirg‘izistondan yuk jo‘natish stansiyasiga qarab o‘zgaradi, — deyiladi “O‘zbekiston temir yo‘llari” kompaniyasi xabarida.Rossiya, Qozog‘iston va O‘zbekiston o‘rtasidagi kelishuvga muvofiq ishga tushirilgan “Agroekspress” loyihasi doirasida meva-sabzavot va tez buziladigan mahsulotlarni tashish uchun barcha shartlar 2022-yilda ham o‘z ahamiyatini yo‘qotmaydi.
Avvalroq O‘zbekistonda qulupnay narxi qariyb 5 barobarga tushib, o‘rtacha ulgurji narxlar 20 ming so‘mgacha pasaygani haqida xabar berilgan edi.
Izoh (0)