Қирғизистон маҳсулотлари Фарғона ва Тошкент орқали Россияга етказиб берилса, айрим озиқ-овқатлар нархи арзонлашиши мумкин. Бу ҳақда EastFruit хабар бермоқда.
«Агроэкспресс»нинг янги йўналишлари ишга туширилиши Ўзбекистонга фойда келтириши мумкин. Айни пайтда Қирғизистон ҳам лойиҳага қўшилиш жараёнидадир.
Шу муносабат билан «Агроэкспресс» раҳбарияти иккита етказиб бериш йўналиши бўйича иш олиб боряпти ва улардан бири Ўзбекистон шаҳарлари орқали ўтади: Ўш—Фарғона—Тошкент—Москва.
«Агроэкспресс» – RJD Logistika’нинг «Россия экспорт маркази» иштирокидаги ихтисослаштирилган хизмати бўлиб, тезюрар контейнер поездлари ёрдамида Хитой, Ўзбекистон ва МДҲ давлатларига қишлоқ хўжалиги маҳсулотларини етказиб беради.
Камроқ вақт ва камроқ бюрократия
«Агроэкспресс» лойиҳаси бутун Евросиё иқтисодий иттифоқи (EOИИ) маконини қамраб олишини ҳисобга олсак, янги йўналиш туфайли Ўзбекистон барча тез бузиладиган маҳсулотларни Россия, Қозоғистон ва Беларусга тезлик билан ҳамда ортиқча йўқотишларсиз етказиб бериш имконига эга бўлади.
Лойиҳа натижасида, Ўзбекистоннинг ўзига ҳам гўшт ва сут маҳсулотлари одатдагидан тезроқ етиб келиши айтилмоқда.
Плеханов номидаги Россия иқтисодиёт университетининг Тошкент филиали доценти Равшан Назаров шундай фикр билдирмоқда:
Етказиб бериш муддатини қисқартириш ва сақлаш харажатларини камайтириш товарларнинг истеъмолчи учун арзон бўлишини таъминлайди, — дейди Плеханов номидаги Россия иқтисодиёт университетининг Тошкент филиали доценти Равшан Назаров.Бунда бюрократия билан боғлиқ жиҳатларни ҳам ҳисобга олиш зарур. «Агроэкспресс» лойиҳаси чегара ва божхона масалаларини тўлиқ тартибга солиш, шунингдек, соддалаштириш имконини беради.
Барча келишувлар ўз кучида қолган
Қирғизистоннинг жанубий ҳудуди орқали юк ташишдаги йўналиш Ўзбекистон ҳудудидан ўтади. Транзит масофаси Қирғизистондан юк жўнатиш станциясига қараб ўзгаради, — дейилади «Ўзбекистон темир йўллари» компанияси хабарида.Россия, Қозоғистон ва Ўзбекистон ўртасидаги келишувга мувофиқ ишга туширилган «Агроэкспресс» лойиҳаси доирасида мева-сабзавот ва тез бузиладиган маҳсулотларни ташиш учун барча шартлар 2022 йилда ҳам ўз аҳамиятини йўқотмайди.
Аввалроқ Ўзбекистонда қулупнай нархи қарийб 5 баробарга тушиб, ўртача улгуржи нархлар 20 минг сўмгача пасайгани ҳақида хабар берилган эди.
Изоҳ (0)