Ushbu yangilikni ko‘plab Oppo foydalanuvchilari kutishayotgan edi. Oppo O‘zbekistonning ijtimoiy tarmoqlarida ham eng ko‘p berilayotgan savol — bu “Qachon Reno seriyasining yangi modellarini olib kelasizlar?”. Nihoyat Oppo faxr bilan sizga Reno7 smartfonini taqdim etadi.
Reno7 o‘zining segmentida yaxshi kamerofon hisoblanadi. Tasvirlash texnologiyasi, innovatsion dizayn, ishlash samaradorligi va ColorOS 12 ustida ko‘plab ishlar olib borilgani sabab, Reno7 sizga behisob imkoniyatlarni taqdim eta oladi.
Eng asosiysidan boshlaymiz: kamera
Reno7 sun’iy intellektga ega uchtalik kamera bilan jihozlangan bo‘lib, asosiy kamerasi 64 Mp, Bokeh obyektivi 2 Mp va 15x, 30x darajada kattalashtira oladigan mikroobyektiv 2 Mp.
32 megapikselli old kamerasi esa Oppo va Sony bilan birgalikda eksklyuziv ishlab chiqilgan ultra sezgir IMX709 sensori bilan jihozlangan. Odamlar orasida esa u allaqachon “Mushuk ko‘zi” nomini ham olishga ulgurgan. Uning o‘ziga xosligi shundaki, u standart RGB sensorini emas, balki yangi avlod RGBW sensorini ishlatadi. RGBW qizil, yashil, ko‘k piksellardan tashqari oq piksellarga ham ega bo‘lib, sensorning yorug‘lik qabul qilish darajasini oshiradi, shovqin darajasini kamaytiradi. Bu esa yorug‘lik kam muhitda ham yorqin va aniq tasvirlarni yaratish imkonini beradi.
Bokeh Flare Portrait rejimi Reno7’ning asosiy va old kamerasida ham mavjud bo‘lib, bizning mukammallashtirilgan algoritmlar orqa fonni a’lo darajada xiralashtiradi va DSLR kamera darajasidagi ajoyib suratlar yaratishingizga yordam beradi.
Mukammal selfilarni yaratish maqsadida Selfie HDR rejimi va IMX709 sensori sabab kamera orqa fon qorong‘iligini “bilsa”, avtomatik ravishda yorug‘likni to‘g‘ri sozlashga yordam beradi.
Dizayn
Zamonaviy uslubdagi ultra nozik dizayn Reno7 ultra nozik retro dizaynda va ikki xil rang: olovrang va kosmik qora rangda taqdim etildi. Olovrangli Reno7 yorqin rangdagi premium sifatli charmdan ishlangan. Kosmik qora rangdagi Reno7 korpusi esa mat qoplamali bo‘lib, unda barmoq izlari qolmaydi va turli xil qirilishlarga chidamli. Telefon 6,4 dyuymli Amoled FHD+ ekraniga ega bo‘lib, ko‘zlaringizni zararli ko‘k nurdan himoya qiladi.
Yuqori ishlash ko‘rsatkichlari
Reno7 4500 mAs sig‘imli batareya va 33 Vt SuperVOOC texnologiyasi bilan jihozlangan. 33 vattli tezkor zaryadlash texnologiyasi 61 daqiqa ichida telefoningizni 100 foiz quvvat bilan to‘ldirib beradi yoki 5 daqiqalik quvvat bilan 1,68 soat filmlar tomosha qilish imkonini beradi. Bundan tashqari, yangi avlod 6 nanometrli Qualcomm Snapdragon protsessori quvvat sarfini saqlab, yuqori unumdorlikni ta’minlaydi.
Yangi ColorOS 12
Reno7 smartfoniga ColorOS 12 oldindan o‘rnatilgan bo‘lib, ushbu dasturiy ta’minot bilan ishlash yanada qulay va ravonroqdir. ColorOS’ning juda qulay “Imo-ishoralar bilan boshqarish” funksiyasi, qo‘lingiz band bo‘lganida imo-ishoralar yordamida qo‘ng‘iroqlarga javob berish, ekranni tepaga va pastga surish imkonini beradi. Axir bu ajoyib emasmi?!
ColorOS 12 ma’lumotlaringiz himoyasi va maxfiyligiga javob beradi va u butun jahon ishongan ISO, ePrivicy, TrustArc tashkilotlari tomonidan sertifikatdan o‘tgan. Sun’iy intellekt yordamida bildirishnomalarni yashirish funksiyasi esa sizga qo‘shimcha maxfiylikni taqdim etadi. U ekranga bir nechta odam qarab turganini “sezsa”, kelayotgan bildirishnomalarni qaytarib oladi. Reno7 O‘zbekiston bozorlariga va maishiy texnika do‘konlariga olovrang va kosmik qora ranglarda taqdim etiladi.
Qo‘shimcha ma’lumotlar uchun bizning rasmiy saytimiz va ijtimoiy tarmoqlarimizga tashrif buyuring.
Reklama huquqi asosida.
Izoh (0)