Shavkat Mirziyoyev raisligida 19-aprel kuni o‘tkazilgan yig‘ilishda hunarmandchilik, tikuvchilik, kosibchilik, qandolatchilik kabi uy sharoitidagi kichik ishlab chiqarish loyihalarini mahallaning o‘zida kengaytirish kerakligi ta’kidlandi. Bu haqda prezident matbuot kotibi xabar qildi.
Qayd etilishicha, shu munosabat bilan bir oy muddatda sanoat, hunarmandchilik va kasanachilik mikro markazlarini 700 ta ixtisoslashgan mahallada tashkil etish ishlarini boshlash bo‘yicha topshiriq berilgan. Bu markazlarning 70 tasi ishsizlik darajasi yuqori bo‘lgan mahallalarda ochilishi zarur. Ushbu markazlardan 5 yil muddatda yer va mol-mulk solig‘i undirilmaydi.
Joriy yilda bu maqsadlarga 500 milliard so‘m yo‘naltiriladi, ushbu sanoat markazlari orqali 50 ming nafar aholi bandligi ta’minlanadi.
Shuningdek, yil boshidan buyon hokim yordamchilari tomonidan 5 mingga yaqin bo‘sh binolar aniqlangan. Hokim yordamchilari aniqlagan bo‘sh bino-inshootlarni sotish, ijaraga berishdan tushgan mablag‘lar ushbu mahallaning infratuzilmasini rivojlantirishga sarflanishi belgilangan.
“Umuman, yil yakuniga qadar bo‘sh bino qolishi kerak emas”, — degan prezident.
Mavzuga doir:
- Shavkat Mirziyoyev hokimlarga 3,5 mingdan ortiq mahallaga borib, muammolarni hal qilish vazifasini qo‘ydi
- “Hokim yordamchilari kredit, subsidiya, yer olib beraman, deb tamagirlik qilayotgani juda achinarli holat” — Shavkat Mirziyoyev
- O‘zbekistonda ijobiy natijaga erishgan qariyb 3 ming nafar hokim yordamchisiga tashakkurnoma beriladi
Izoh (0)