Qashqadaryo viloyatining Mirishkor tumanida noqonuniy moy ishlab chiqarish sexini tashkil etgan shaxs aniqlandi.
Viloyat IIB matbuot xizmati xabariga ko‘ra, 12-aprel kuni soat 14:00 larda viloyat IIB JQB va tumani IIB xodimlari hamkorlikda olib borilgan tezkor surishtiruvlar jarayonida fuqaro Q.F. inson salomatligi uchun xatarli bo‘lgan urug‘lik chigitni 3800-4000 so‘mdan sotib olib, iste’molga yaroqsiz yog‘ hamda yem mahsulotlarini ishlab chiqarayotgani aniqlangan.
Tekshiruv davomida fuqaro Q.F.dan 105 litr qora yog‘, 20 kilogramm miqdorida yem hamda 2500 kilogramm miqdorida urug‘lik chigitlar tegishli tartibda hujjatlashtirib olingan va holat yuzasidan jinoyat ishi qo‘zg‘atilgan.
Izoh (0)