Farg‘ona viloyatining O‘zbekiston tumanida profilaktika inspektoriga tan jarohati yetkazgan mast fuqaroga jinoyat ishi qo‘zg‘atildi. Bu haqda “Daryo”ga viloyat IIB axborot xizmati xabar berdi.
Ma’lum qilinishicha, Farg‘ona viloyatining O‘zbekiston tumani “Do‘stlik” MFY Mingbuloq ko‘chasida yashovchi 43 yoshli J.J hamqishlog‘i 31 yoshli R.M bilan birga spirtli ichimlik iste’mol qilib, o‘zaro janjallashib qolgan. Natijada fuqaro J.J tan jarohati olib, Qo‘qon shahar tibbiyot birlashmasiga murojaat qilgan.Shundan so‘ng tuman IIBga olib borilgan R.M mast holda profilaktika inspektori F.O.ning xizmat xonasida o‘zini boshqacha tutib, profilaktika inspektorini turli noo‘rin so‘zlar bilan haqorat qilgan. Unga faol qarshilik ko‘rsatib, tan jarohati yetkazgan.
Mazkur holat yuzasidan tuman prokuraturasi tomonidan R.M.ga nisbatan Jinoyat kodeksining 219-moddasi 1-qismi (hokimiyat vakiliga yoki fuqaroviy burchini bajarayotgan shaxsga qarshilik ko‘rsatish) bilan jinoyat ishi qo‘zg‘atilgan.
Izoh (0)