Davlat statistika qo‘mitasi O‘zbekistonga 2022-yilning yanvar—fevral oylarida import qilingan oziq-ovqat mahsulotlari hajmida yuqori ulushga ega bo‘lgan davlatlarni ma’lum qildi.
Xabar qilinishicha, oziq-ovqat importidagi eng yuqori ulush Qozog‘iston hissasiga to‘g‘ri keladi — 36,1 foiz. Ikkinchi o‘rinda 25,6 foiz bilan Rossiya qayd etilgan. Uchlikni Braziliya (12,4 foiz) yakunlagan.
Keyingi pog‘onalar quyidagicha ko‘rinish olgan:
- Belarus – 4,4 foiz;
- Pokiston – 3,6 foiz;
- Boshqa davlatlar – 17,9 foiz.
Eslatib o‘tamiz, yanvar—fevral oylaridagi O‘zbekiston eksportida eng yuqori ulushga ega hamkor davlat bu Rossiya — 346,8 million dollar. Importda eng yuqori ulushga ega bo‘lgan hamkor davlat esa Xitoy — 1 milliard 48 million dollar.
O‘zbekistonning 2022 yilning yanvar—fevral oylaridagi tashqi savdo aylanmasi 8,7 milliard dollarga teng bo‘lgan. Eksport 4,1 milliard dollarni, import 4,6 milliard dollarni tashkil etgan.
Mavzuga doir:
- Kivi va mandarin arzonladi, uzum va bulg‘or qalampiri keskin qimmatladi. Mart oyida asosiy turdagi mahsulotlarning narxlari haqida
- O‘zbekistonda ichki bozorda narxlar barqarorligini ta’minlash maqsadida Qozog‘istondan 100 ming tonna bug‘doy va un sotib olish rejalashtirilmoqda
- O‘zbekiston bozorlaridagi oziq-ovqat mahsulotlarining narxlari ma’lum qilindi
Izoh (0)