Давлат статистика қўмитаси Ўзбекистонга 2022 йилнинг январь—февраль ойларида импорт қилинган озиқ-овқат маҳсулотлари ҳажмида юқори улушга эга бўлган давлатларни маълум қилди.
Хабар қилинишича, озиқ-овқат импортидаги энг юқори улуш Қозоғистон ҳиссасига тўғри келади — 36,1 фоиз. Иккинчи ўринда 25,6 фоиз билан Россия қайд этилган. Учликни Бразилия (12,4 фоиз) якунлаган.
Кейинги поғоналар қуйидагича кўриниш олган:
- Беларусь – 4,4 фоиз;
- Покистон – 3,6 фоиз;
- Бошқа давлатлар – 17,9 фоиз.
Эслатиб ўтамиз, январь—февраль ойларидаги Ўзбекистон экспортида энг юқори улушга эга ҳамкор давлат бу Россия — 346,8 миллион доллар. Импортда энг юқори улушга эга бўлган ҳамкор давлат эса Хитой — 1 миллиард 48 миллион доллар.
Ўзбекистоннинг 2022 йилнинг январь—февраль ойларидаги ташқи савдо айланмаси 8,7 миллиард долларга тенг бўлган. Экспорт 4,1 миллиард долларни, импорт 4,6 миллиард долларни ташкил этган.
Мавзуга доир:
- Киви ва мандарин арзонлади, узум ва булғор қалампири кескин қимматлади. Март ойида асосий турдаги маҳсулотларнинг нархлари ҳақида
- Ўзбекистонда ички бозорда нархлар барқарорлигини таъминлаш мақсадида Қозоғистондан 100 минг тонна буғдой ва ун сотиб олиш режалаштирилмоқда
- Ўзбекистон бозорларидаги озиқ-овқат маҳсулотларининг нархлари маълум қилинди