Bolalar maydonchasidagi qabrlar, vayron bo‘lgan maktablar, Belgoroddagi yong‘in tutuni. Urushning 37-kunidan fotoreportaj
Ukrainadagi urush davom etayotganiga 37 kundan oshdi. 1-aprel tongida Belgorod administratsiyasi neft bazasiga Ukraina aviazarbasi kelib tushganini xabar qildi. Yong‘in oqshomga borib bartaraf etildi va uning oqibatida hech kimga ziyon-zahmat yetmadi. Kiyev viloyatidagi to‘qnashuvlar davom etmoqda — Ukraina bir qator aholi punktlarini qaytarishga muvaffaq bo‘lgan, Rossiya mudofaa vazirligi Kiyev viloyatidagi aholi yashash punktlarida mamlakat dengiz piyodalari tomonidan “tozalash” ishlari amalga oshirilayotganini bildirgan. Mariupoldagi janglar ham davom etmoqda, odamlar suv, gaz va elektr ta’minotisiz hayot kechirmoqda. Meduza urushga aloqador 1-aprel fotosuratlarini taqdim qildi.
Belgoroddagi neft omborida kuzatilgan yong‘in. Shahar ma’muriyati bazaga Ukraina harbiy vertolyotlari aviazarba berganini ma’lum qilganFoto: “TASS”
Mariupoldagi drama teatri yaqinida o‘qqa tutilgan avtomobil, yuk mashinasining tepasiga “Bolalar” yozuvi yopishtirilganFoto: “TASS”
Mariupol ko‘chalaridagi DXR xalq militsiyasining harbiylariFoto: “TASS”
Mariupol osmonida parvoz qilayotgan Rossiya harbiy havo kuchlarining vertolyotiFoto: Reuters
Mariupolda yashovchi ayol ko‘chada ovqat tayyorlayapti. Ayol 60 yoshda, urush boshlanguniga qadar hisobchi bo‘lib ishlagan. Hozir bolalar uyi binosida havo hujumlaridan yashirinib yashamoqdaFoto: Reuters
Ona va o‘g‘il qabri. Marina Met (42 yosh) va Ivan Met (12 yosh) hujumlar oqibatida halok bo‘lgan. Ular qo‘shnilari tomonidan Kiyev yaqinidagi Irpen hududida bolalar maydonchasiga dafn qilinganFoto: AP Photo
Kiyevlik ayol shahar yaqinidagi uy hovlisida snaryad zarbasida keyin yerda hosil bo‘lgan aylana kraterni kuzatmoqdaFoto: AP Photo
Xarkov yaqinidagi Cheguyevda jarohat olgan jabrdiyda. U boshidan yaralangan va qishlog‘iga raketa zarbasi kelib tushganida barmoqlarini yo‘qotganFoto: Reuters
Zarbaga uchragan qishloq maktabidagi sinfxona. Ukraina janubidagi Zeleniy Gay qishlog‘i front chizig‘idan 5 km masofa uzoqlikda joylashganFoto: AFP
Qishloq maktablaridan birining vayron bo‘lgan sinfxonasiFoto: AFP
Ukrainalik askarlar Kiyevda qoldirib ketilgan Rossiya texnikasini ko‘zdan kechirmoqdaFoto: EPA
Ukraina prezidenti Vladimir Zelenskiy Yevropa parlamenti rahbari Roberto Metsola bilan uchrashuvga yetib kelmoqdaFoto: Ukraina prezidentining matbuot xizmati
Odessada Xalqaro kulgi kuni munosabati bilan harbiy harakatlarga qarshi shior yozilgan Rossiya kemasining maketi suv havzasiga tushirildiFoto: Reuters
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)