Namangan viloyatining To‘raqo‘rg‘on tumanidagi sektor rahbarlari tumanga yangi tayinlangan hokim Ahror Mansurov boshchiligida 48-sonli imkoniyati cheklangan bolalar ta’lim muassasasida bo‘ldi. Bu haqda “Daryo” muxbiri Azizbek Abduvaliyev xabar bermoqda.
Mazkur muassasada jami 315 nafar bola tarbiyalanmoqda. Ular maktab ta’limidan tashqari bog‘bonlik, duradgorlik, to‘quvchilik va zardo‘zlik kabi hunarlarni ham o‘rganadi.
Cektor rahbarlari muassasada yaratilgan sharoitlar bilan yaqindan tanishdi. Muborak Ramazon oyi arafasida bolalarga sovg‘a-salom va kiyim-kechaklar topshirildi.
Shundan so‘ng tarbiyalanuvchilar bilan birga dasturxon atrofida jam bo‘lib, bir piyola choy baham ko‘rildi, muloqotda bo‘lindi.
Izoh (0)