Portugaliya terma jamoasi ketma-ket oltinchi marta Jahon Chempionati yo‘llanmasini qo‘lga kiritdi.
So‘nggi marta jamoa 1998-yilgi mundialni o‘tkazib yuborgan edi. Jamoa JCh—2006 da yarim finalga qadar, 2010 va 2018-yillarda 1/8 finalgacha borgan. 2002 va 2014-yilgi musobaqalarda esa guruhdan chiqa olmagandi.
Krishtianu Ronaldu esa ketma-ket beshinchi marta Jahon Chempionatida ishtirok etadi. Ronaldu 2003-yildan buyon terma jamoa sharafini himoya qilib keladi.
Umumiy hisobda Krishtianu uchun bu o‘ninchi yirik xalqaro musobaqa (JCh va Yevro) bo‘ladi. Portugaliyalik hujumchi 2004-yildan beri birorta Yevropa Chempionati va Jahon Chempionatlarini o‘tkazib yuborgani yo‘q.
Portugaliya terma jamoasi JCh—2022 saralashi pley-off final bahsida Shimoliy Makedoniya ustidan g‘alaba qozonib, Jahon birinchiligi yo‘llanmasiga ega chiqdi.
Izoh (0)