Mariupolda halok bo‘lganlarni uylari hovlisiga dafn qilayotgan aholi, Zaporojyedagi evakuatsiya, metroda hayot kechirayotgan ukrainaliklar — urushning 30-kunidan fotoreportaj
Ukrainada urush boshlanganiga ham o‘ttiz kun bo‘ldi. 25-mart kuni Buyuk Britaniya Mudofaa vazirligi ukrainaliklarning Rossiya qo‘shinini Kiyevdan uzoqlashtirganini xabar qildi. Bundan tashqari, Ukrainaning harbiy kuchlari hanuzgacha Rossiya armiyasining Nikolayevdan o‘tishi va Odessa tomon harakatlanishiga yo‘l bermayapti. Xarkovda Rossiya qo‘shini ijtimoiy yordam markazi joylashgan shahar poliklinikasini o‘qqa tutgan: to‘rt kishi halok bo‘lgan, uch nafar odam yaralangan. “Ukrainskaya pravda” nashri ma’lumotlariga ko‘ra, Vinnitsda olti dona qanotli raketa uchirilgan va bundan maqsad Ukraina qo‘shinining harbiy havo kuchlariga zarba berishdan iborat, biroq ushbu hujumlardan hech kimga talafot yetmagan. Bir oy davomida Rossiya harbiy kuchlari Ukraina shaharlarining 14 nafar merini asirga oldi, deya ma’lum qilgan Ukraina bosh vaziri o‘rinbosari Irina Vereshuk. Yevropa kengashi Ukrainani urushdan keyin qayta tiklash uchun maxsus jamg‘arma tashkil qilishga qaror qilgan. Meduza urushning o‘ttizinchi kuniga aloqador 25-mart fotosuratlarni taqdim etdi.
Xarkovga berilgan artilleriya zarbalaridan keyin yuzaga kelgan yong‘inFoto: LETA
Uspenskiy ibodatxonasining Xarkov markazida joylashgan, vayron qilingan kafe deraza oynasi sinig‘idagi aksi.Foto: Reuters
Ikki nafar tinch aholi vakili Kiyev viloyatidagi Brovarada portlashdan keyin vayronaga aylangan oziq-ovqat zavodi xarobalarini ko‘zdan kechirmoqdaFoto: Scanpix
Kiyev viloyati shimolidagi front chizig‘ida uzoq bo‘lmagan yerda Ukraina harbiy kuchlari feldsheri hududiy mudofaa xizmatchilariga jgut yordamida qon ketishini to‘xtatishni ko‘rsatib bermoqdaFoto: Reuters
Kiyev atrofidagi Yasnogorodok qishlog‘ida Rossiya va Ukraina qo‘shinlari o‘rtasidagi janglardan keyin vayron bo‘lgan uyning ichki interyeriFoto: AP Photo
Kiyev yaqinidagi Ukraina armiyasi omboriga Rossiya snaryadi kelib tushganidan keyin chiqqan yong‘indan havoga o‘rlayotgan qora tutunFoto: AP Photo
Mariupoldagi aholi yashaydigan hududlaridan birida yonayotgan harbiy texnikaFoto: “TASS”
Mariupolda aholi yashaydigan binolar hovlisidagi qabrlar. Rossiya qo‘shini qamal qilgan shahar aholisi qabristonlarga bora olmayapti, ular hujumlar oqibatida halok bo‘lganlarni hovlilarga dafn qilishga majbur bo‘lmoqdaFoto: “TASS”
Zaporojyedagi evakuatsiya punktiga yetib kelgan ukrainalik ayol va uning iti. Minglab odamlar shaxsiy avtomobillari va evakuatsiya avtobuslarida gumantira yo‘laklar orqali Mariupol, Melitopol va Berdyanskdan ketishda davom etmoqdaFoto: Getty Images
Mariupol va Melitopoldan Zaporojyega kelayotgan kolonna avtobusi oynasidan atrofga qarayotgan ayol hamda qichaFoto: EPA
Odessa armiya blokpostida turgan ukrainalik askarFoto: Scanpix
Urush boshlanganidan beri Ukrainadagi ko‘plab aholi yashash maskanlari o‘qqa tutilmoqda. Kiyevda aksariyat aholi qariyb bir oydan buyon aviazarbalardan yashirinib metroda hayot kechirmoqdaFoto: Reuters
Xarkov metrosi bekatlarining birida poyezd vagonida bolakay bilan yashayotgan qiz, ushbu shaharda ham aholi Kiyevdagi kabi metrodan bombadan yashirinish joyi sifatida foydalanayaptiFoto: AP Photo
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)