Futbol bo‘yicha Angliya Kubogining chorak finalidan o‘rin olgan ikki o‘yin 20-mart, yakshanba kuni bo‘lib o‘tdi.
“Manchester Siti” safarda “Sauthempton”ga qarshi bahs yuritdi. O‘yinning 12-daqiqasida Rahim Sterling “shaharliklar”ning dastlabki golini urdi. Birinchi bo‘lim yakunlanishi arafasida Aymerik Lyaport o‘z darvozasini ishg‘ol qilib qo‘ydi va hisob tenglashdi.
61-daqiqada Kevin de Bryuyne mehmonlarni yana oldinga olib chiqdi. Ikkinchi bo‘limning ikkinchi yarmida Fil Foden va Riyod Mahrezning gollaridan keyin hisob yirik ko‘rinish oldi. Bu g‘alaba orqali Pep Gvardiola jamoasi yarim finalga yo‘l oldi.
Yana bir o‘yinda “Everton” safarda “Kristal Pelas”ga yirik hisobda yutqazib qo‘ydi va musobaqa bilan xayrlashdi.
Avvalroq “Chelsi” musobaqa yarim finaliga yo‘l olgandi.
Angliya Kubogi
Chorak final bahslari
20-mart, yakshanba
“Sauthempton” — “Manchester Siti” 1:4
Gollar: 0:1 – 12 Sterling, 1:1 – 45, avtogol Lyaport, 1:2 – 62, penalti de Bryuyne, 1:3 – 75 Foden, 1:4 – 78 Mahrez.“Sauthempton”: Forster, Livramento, Stivens, Salisu, Uoker-Piters, Armstrong (Jenepo, 83), Elyunussi (Diallo, 88), Romeu (Smollboun, 88), Uord-Prouz, Long (Broya, 63), Armstrong (Adams, 63).
“Manchester Siti”: Steffen, Uoker, Stounz, Lyaport (Ake, 83), Joau Kanselu (Zinchenko, 82), Gundo‘g‘an, de Bryuyne, Rodri (Fernandinyo, 83), Grilish (Foden, 64), Sterling, Gabriel Jezus (Mahrez, 63).
Izoh (0)