Самарқанд вилояти Оқдарё туманида суғориладиган ер майдонини сотмоқчи бўлган шахслар ушланди, деб хабар бермоқда Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департаментнинг Самарқанд вилояти бошқармаси томонидан ДХХнинг Оқдарё тумани бўлинмаси билан тезкор тадбир ўтказилган. Унда Х.Р. исмли фуқаро «Б.Т» МЧЖ таъсисчиси Ф.Х. билан олдиндан тил бириктириб, МЧЖга Самарқанд шаҳри «Қорасув» массивидан Хитой технологияси асосида иссиқхона қуриш учун ажратилган 0,5 гектар суғориладиган ер майдонини сотмоқчи бўлгани аниқланган. Улар ердан белгиланган мақсадларда фойдаланмасдан, иссиқхона қурмасдан, ер майдонини фуқаро А.га 60 минг долларга сотишга келишиб, шундан 20 минг долларини олган вақтида ашёвий далиллар билан ушланган.
Ҳолат юзасидан Жиноят кодексининг 229-6-моддаси (суғориладиган ер участкасига ёки унинг бир қисмига бўлган ҳуқуқни сотиш ёхуд қонунга хилоф равишда бошқача тарзда ўзга шахсга бериш) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Андижон ва Хоразм вилоятларида фуқароларга ер олиб бериш учун жами 17,2 минг доллар олган шахслар ушланди
- Бухорода ўғлининг номидаги 7,4 гектар ерни ноқонуний равишда 84 минг долларга сотишга уринган шахс ушланди
- Самарқандда Миллий гвардия ходими ноқонуний ер сотиш учун 100 минг доллар олаётганида ушланди
Изоҳ (0)