Vazirlar Mahkamasining “2022-yilda turizm va madaniy meros obyektlari infratuzilmasini rivojlantirish chora-tadbirlari to‘g‘risida”gi qarori qabul qilindi, deb xabar beradi Norma.
Prezidentning “2022–2024-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi qarori ijrosini ta’minlash maqsadida 2022-yilda turizm va madaniy meros obyektlari infratuzilmasini rivojlantirish bo‘yicha loyihalar ro‘yxati tasdiqlangan.
61 ta loyiha turizm obyektlarining muhandislik-kommunikatsiya tarmoqlarini yaxshilash, madaniy meros obyektlarini restavratsiya, konservatsiya qilish va obodonlashtirish hamda madaniy-ko‘ngilochar infratuzilmalarni rivojlantirishga yo‘naltirilgan. 2022-yilda ushbu maqsadlar uchun 262,8 milliard so‘m ajratiladi. Xususan:
- turizm xizmatlari sohasiga — 29,4 milliard so‘m;
- madaniy meros obyektlarini — 117,3 milliard so‘m;
- muzeylarni — 43 milliard so‘m;
- turizm sohasidagi ta’lim muassasalarini — 73,1 milliard so‘m.
Hujjat qonun hujjatlari ma’lumotlari milliy bazasida e’lon qilingan va 2022-yil 11-martdan kuchga kirgan.
Avvalroq Buxoroda 500 yillik “Talipoch qal’a darvozasi”ning chap tomon qal’a devori o‘pirilib tushgani, Xorazmda me’moriy arxitektura yodgorligi hisoblanuvchi Deshon qal’aning bir qismi qulab tushgani, O‘zbekistonda tarixiy obyektlarga zarar yetkazganlik uchun javobgarlik kuchaytirilishi to‘g‘risida xabar berilgandi.
Izoh (0)