O‘zbekiston va Qozog‘iston o‘rtasida 16-martdan ikki tomonlama muntazam xalqaro avtobus yo‘nalishlarida qatnovlar qayta tiklanadi. Bu haqda Transport vazirligi xabar qildi.
Qayd etilishicha, Qozog‘iston orqali Rossiya Federatsiyasi va Qirg‘izistonga tranzit avtobus tashuvlarini tashkil etish yuzasidan muzokaralar olib borilmoqda.
Eslatib o‘tamiz, O‘zbekiston va Qozog‘iston o‘rtasidagi xalqaro avtobus qatnovlari koronavirus pandemiyasi sababli 2020-yil 16-mart kuni to‘xtatilgan edi.
2022-yil 16-martdan tashuvchilar tomonidan Toshkent—Nursulton, Toshkent—Olmaota, Toshkent—Qizilo‘rda, Toshkent—Turkiston, Toshkent—Irgeli, Chirchiq—Chimkent, Chirchiq—Olmaota yo‘nalishlarida qatnovlarni amalga oshirish rejalashtirilgan.
Avvalroq Toshkent–Xo‘jand–Toshkent yo‘nalishida O‘zbekiston va Tojikiston o‘rtasida muntazam avtobus qatnovi qayta tiklangani, O‘zbekiston va Qirg‘izistonning yirik shaharlari o‘rtasida xalqaro avtobus qatnovi yo‘lga qo‘yilishi mumkinligi xabar qilingandi.
Izoh (0)