Жиззах вилояти Зомин туманида 13 март куни Kia K5 ва Nexia-2 тўқнашуви оқибатида 8 киши ҳалок бўлди. Бу ҳақда вилоят Ички ишлар бошқармаси хабар қилди.
Қайд этилишича, шу куни тахминан соат 14:50 да туманнинг Даштобод шаҳри ҳудудидан ўтувчи Даштобод—Зомин—Супа—Бахмал—Ғаллаорол 4Р-40 йўлининг 2-километрида Kia K5 ва Nexia-2 автомашиналари тўқнашган. Йўл-транспорт ҳодисаси оқибатида ЙТҲ иштирокчиларининг 2 нафари воқеа жойида ҳамда 6 нафари шифохонага етказилгандан сўнг кўрсатилган тиббий муолажаларга қарамасдан вафот этган. Kia K5 ҳайдовчиси I.А. йўл-транспорт ҳодисасидан олган тан жароҳатлари билан Зомин тумани тиббиёт бирлашмасининг жонлантириш бўлимига ётқизилган.
Ҳолат юзасидан Жиноят кодексининг 266-моддаси 3-қисми «а» банди (одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Ҳозирда тергов ҳаракатлари олиб борилмоқда.
Изоҳ (0)