“Daryo”ga Samarqanddagi ko‘prik nosozligi sabab Damas haydovchisi kanalga tushib ketgani, bir hafta o‘tsa-da, haydovchi topilmayotgani xabar berildi.
“Daryo” muxbiri holatga aniqlik kiritish maqsadida viloyat Favqulodda vaziyatlar boshqarmasi axborot xizmati bilan bog‘landi.
Ma’lum bo‘lishicha, 2022-yilning 7-mart kuni soat, taxminan, 20:00 da 1979-yil Quyi Chirchiq tumanida tug‘ilgan fuqaro T.P. Damas rusumli avtomashinasini beton to‘siqqa urib olgan. Haydovchi mashinadan tushib, avtomobili holatini ko‘zdan kechirmoqchi bo‘lgan va ko‘prik nosozligi sabab Darg‘om kanaliga tushib ketgan.
“Holat yuzasidan viloyat Favqulodda vaziyatlar boshqarmasiga xat berilgan. O‘sha kundan beri qidiruv-qutqaruv ishlari olib borilmoqda. Ammo fuqaro hali topilmadi”, — deydi boshqarma axborot xizmati rahbari Ilhom Boqiyev.
Viloyat Favqulodda vaziyatlar boshqarmasi voqea yuzasidan qo‘shimcha ma’lumot berilishini ma’lum qildi.
Izoh (0)