Dinara Yakubova Namangan viloyati hokimi o‘rinbosari – Oila va xotin-qizlar boshqarmasi boshlig‘i vazifasini bajaruvchi etib tayinlandi. Bu haqda “Daryo” muxbiri Azizbek Abduvaliyev xabar bermoqda.
Dinora Yakubova 1970-yili Farg‘onada tug‘ilgan. Ma’lumoti oliy, 1994-yilda Namangan davlat universitetini tamomlagan.
Mehnat faoliyatini 1987-yili Namangan viloyatining Kosonsoy tumanida bog‘cha tarbiyachiligidan boshlagan.
1990—2021-yillarda maktabda o‘qituvchi, kasb-hunar kollejida uslubchi, o‘quv ishlari bo‘yicha direktor o‘rinbosari, akademik litsey direktori, tuman maktabgacha ta’lim bo‘limi boshlig‘i, tuman hokimining o‘rinbosari – mahalla va oilani qo‘llab-quvvatlash bo‘limi boshlig‘i, viloyat Bandlik boshqarmasi boshlig‘i o‘rinbosari vazifalarida mehnat qilgan.
Dinara Yakubova mazkur tayinlovga qadar Namangan viloyat “Ishga marhamat” monomarkazi direktori lavozimida ishlab kelayotgan edi.
Izoh (0)