Bugun,

  • USD 11095.31
  • RUB 173.84
  • EUR 10772.44

Qashqadaryoda eshak so‘yib sotayotgani aytilgan hamda voqea joyi tasvirlangan video tarqaldi, deya xabar berdi “Daryo” muxbiri.

Foto: Telegram

Foto: Telegram

“Daryo” manbasi bergan videoda ikki nafar IIB xodimi fuqaro xonadoniga kirib borgan. IIB xodimlarini qarshi olgan ayol dastlab eshakni o‘zi so‘yganini aytgan bo‘lsa, keyinchalik buni turmush o‘rtog‘i qilganini bildirgan.

Viloyat IIB axborot xizmati “Daryo” so‘roviga javoban voqea Koson tumanida sodir bo‘lganini ma’lum qildi.

“2022-yilning 10-mart kuni Koson tuman IIB xodimlari tomonidan tumanning ‘Paxtazor’ MFYda yashovchi fuqaro B.S.ning xonadonidagi xo‘jalik xonalari ko‘zdan kechirilganida bir bosh eshakni so‘yib, go‘shtini suyaklaridan ajratib qo‘ygani, hovlisida esa yana 24 bosh eshak borligi aniqlandi.

Fuqaro B.S.ning yashash xonadonidagi xo‘jalik xonasida bo‘lgan 1 bosh eshakning lahm go‘shtlari tegishli tartibda viloyat IIB JTSB Karantin tadbirlarini ta’minlash bo‘linmasi, tuman Veterinariya va chorvachilikni rivojlantirish boshqarmasi xodimlari xolislar ishtirokida hujjatlashtirib olingan.

Koson tuman Veterinariya va chorvachilikni rivojlantirish bo‘limi tomonidan ashyoviy dalil sifatida olingan go‘sht mahsulotlari laboratoriyada tekshirilganda iste’molga yaroqsiz ekani ma’lum bo‘ldi. Go‘sht mahsulotlari xolislar ishtirokida yo‘q qilindi”, — deyiladi viloyat IIB axborotida.

Mazkur holat yuzasidan Koson tuman IIB tomonidan surishtiruv harakatlari olib borilmoqda.

Izoh
Asosiy yangiliklar
Dunyo
Britaniya hukumati “Vagner”ni terrorchi tashkilot deb e’lon qilmoqchi — The Telegraph
Dunyo
AQSHda xavfli moddalarni olib ketayotgan yuk poyezdi relsdan chiqib ketdi (video)
Mahalliy
O‘zbekistonda kelayotgan hafta boshida qanday ob-havo bo‘ladi?