UFC 272. Хорхе Масвидал 5 раунд давом этган жангда Колби Ковингтонга ютқазиб қўйди, Умар Нурмагомедов 1-раунддаёқ ғалаба қозонди

АҚШнинг Лас-Вегас шаҳрида Тошкент вақти билан 6 март тонгида UFC 272 мусобақаси бўлиб ўтди.

Оқшомнинг асосий жанги ярим ўрта вазн тоифаси вакиллари Хорхе Масвидал (35-16) ва Колби Ковингтон (17-3) ўртасида кечди. Беш раунд давом этган жангнинг катта қисми Ковингтон устунлиги остида ўтди ва якунда ҳакамлар якдил овоз билан Колбининг ғалабасини қайд этди — 49:46, 50:44, 50:45.

Яна бир асосий жанглардан бирида Рафаэл дос Аньос очколар ҳисобига Ренато Мойканони мағлуб этди. Умар Нурмагомедов эса 1-раунддаёқ Брайан Келлеҳерни бўғиш усули билан таслим этди.

Асосий кард

• Колби Ковингтон очколар эвазига Хорхе Масвидални ютди;
• Рафаэл дос Аньос очколар эвазига Ренато Мойканони енгди;
• Брайс Митчелл очколар эвазига Эдсон Барбозани мағлуб этди;
• Кевин Ҳолланд 2-раундда Алекс Оливейрани нокаутга учратди;
• Сергей Спивак 1-раундда Грег Ҳардини нокаутга учратди.

• Жалин Тёрнер 2-раундда Жейми Малларкни нокаут қилди;
• Марина Родригес очколар эвазига Ян Сяонанни ютди;
• Николаэ Негумеряну очколар эвазига Кеннеди Нзечуквунидан устун келди;
• Марина Мороз 2-раундда сабмишен орқали Мария Агаповани енгди;
• Умар Нурмагомедов 1-раундда Брайан Келлеҳерни сабмишен билан ютди;
• Тим Эллиот очколар эвазига Тагир Уланбекони мағлуб этди;
• Людовит Клейн очколар эвазига Девонте Смитни таслим этди;
• Дастин Якоби очколар эвазига Михал Олексийчукни енгди.