Rossiya prezidenti Vladimir Putin Ukraina bilan urushda halok bo‘lgan harbiylarning oilalariga qonun bilan belgilangan to‘lovlar mavjudligi va ular 7,4 million rublni tashkil qilishini bildirdi. U bu haqda Rossiya xavfsizlik kengashining navbatdagi majlisida ta’kidlab o‘tgan. Bu haqda “RBK” xabar bergan.
Shuningdek, Rossiya prezidenti halok bo‘lganlarning oila a’zolariga 5 million rubl miqdoridagi bir martalik to‘lov berilishini e’lon qilgan.
Ukrainadagi har biy operatsiyalar vaqtida halok bo‘lgan harbiylarning barcha oila a’zolariga 7 million 421 ming rubl miqdorida sug‘urta ta’minoti va bir martalik to‘lovlar berilishi ta’minaladi. Shuningdek, har bir halok bo‘lgan harbiyning oilasiga oylik kompensatsiya to‘lanadi. Shu bilan birga Mudofaa vazirligi va kuchishlatar tizimda faoliyat olib borga va urushda halok bo‘lgan harbiylarning oilalariga 5 million rubl miqdorida mablag‘ to‘lanadi.Bundan tashqari Putin harbiy operatsiyalarda yaralanganlarga ham qonunda ko‘zda tutilgan to‘lovlar berilishi, jumladan shartnoma asosida xizmatni o‘tayotgan askarlarga va yarador bo‘lib xizmatga yaroqsiz bo‘lganlarga ham 2,9 million rubldan berilishini eslatib o‘tgan.Vladimir Putin
Operatsiyalarda ishtirok etib yaralangan Mudofaa vazirligi va boshqa idoralar harbiylariga 3 million rubldan qo‘shimcha to‘lovlarni qayta ko‘rib chiqish kerak deb hisoblayman.Rossiya prezidenti xavfsizlik kengashi yig‘ilishi davomida Ukrainadagi maxsus harbiy operatsiyalar rejaga muvofiq ketayotgani va harbiylar oldiga qo‘yilgan vazifalar bajarilayotganini ta’kidlagan.Vladimir Putin
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Mavzuga doir:
- BMT Rossiya qo‘shinlarini Ukrainadan olib chiqishni talab qiluvchi rezolyutsiya qabul qildi. Unga faqat Rossiya va yana 4 ta davlat qarshi ovoz bergan
- Rossiya Mudofaa vazirligi Ukrainadagi harbiy operatsiyalardagi yo‘qotishlar haqida ma’lumot berdi. Urushda Rossiya tomonidan 500 ga yaqin askar halok bo‘lgan
- Putin Rossiyadan 10 ming dollardan ortiq valyuta olib chiqib ketishni taqiqladi
Izoh (0)