Ўзбекистонда рубль деярли 100 сўмга қайтди

Марказий банк хорижий валюталарнинг ўзбек сўмига нисбатан 7 мартда амалда бўладиган қийматини белгилади.

Унга кўра, рублнинг сўмга нисбатан қиймати 6,06 сўмга кўтарилиб 99,1 сўм бўлди. Шу тариқа рубль 100 сўмлик қийматига яқинлашмоқда.

28 февраль, душанба куни рублнинг қиймати 130,6 сўм эди. 1 март куни эса 21,46 сўмга кескин пастлаб, 108,6 сўмга тушган эди. Чоршанба куни рубль 6,51 сўмга кўтарилиб, 115,11 сўм бўлган эди. 

Сўнгги икки кунда рублнинг сўмга нисбатан қиймати тушишда давом этди. Пайшанба ва жума куни унинг қиймати мос равишда 15,38 сўм ва 6,69 сўмга пасайиб, 93,04 сўмгача тушиб кетган эди.

Аввалроқ ўзбекистонликлар бир кунда 60 миллиондан ортиқ Россия рубли сотиб олишгани ҳақида хабар берилган эди.