Qashqadaryo viloyati Qarshi tumanida fuqaro bank mas’ullari bilan kelishib, kredit mablag‘larini talon-toroj qilgani ma’lum bo‘ldi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Qarshi tuman bo‘limi tomonidan “Mikrokreditbank” ATB Qashqadaryo viloyati filialining murojaatiga asosan tergovga qadar tekshiruv o‘tkazilgan. Unda fuqaro B.S. filialning amaliyot bo‘limi mas’ul shaxslari bilan til biriktirib, fuqaro N.E. nomiga “U.C” MChJni tashkil etib, MChJga 1,9 milliard so‘m kredit ajratgani aniqlangan U shundan 1,1 milliard so‘mini turli subyektlarga mahsulotlar sotib olish uchun o‘tkazish yo‘li bilan talon-toroj qilgan.
Holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
Izoh (0)