2-mart kuni Ukrainadan Polsha orqali evakuatsiya qilinayotgan fuqarolarni olib kelish uchun yana ikkita reys amalga oshiriladi. Bu haqda Uzbekistan Airports xabar berdi.
Ukrainadan evakuatsiya qilinayotgan o‘zbekistonliklarning dastlabki guruhi 28-fevral kuni, ikki guruhi esa 1-mart kuni Toshkentga yetib keldi. O‘zbekistonning Polshadagi elchisi Bahrom Boboyevning so‘zlariga ko‘ra, Ukraina hududida bo‘lgan 1,5 ming nafardan ziyod O‘zbekiston fuqarosi Polsha orqali evakuatsiya qilinishi rejalashtirilgan.
O‘zbekiston Transport vazirligining ma’lum qilishicha, Ukrainadan Polsha hududi orqali vatanga evakuatsiya qilingan fuqarolardan aviachiptalar uchun pul undirilmaydi. Shuningdek, Polshaning Katovitse shahriga 1-mart kuni mahalliy vaqt bilan soat 09:00 da fuqarolarni olib ketish uchun Uzbekistan Airways aviakompaniyasining uchinchi samolyoti kelib qo‘ngan.
Dastlabki ma’lumotlarga ko‘ra, 2-mart kuni Toshkentga mahalliy vaqt bilan soat 04:30 va 06:30 da yana ikkita repatriatsion reys yetib keladi.
Izoh (0)