Milliy kurash bo‘yicha Samarqandda bo‘lib o‘tgan O‘zbekiston chempionatida polvonlardan biri hakamga musht tushirdi. Bu haqda xabar bergan “Daryo” manbasi mazkur voqeadan so‘ng chempionat muxlislarsiz o‘tganini aytmoqda.
Ma’lum qilinishicha, 2022-yilning 26—28-fevral kunlari Samarqand shahridagi yakkakurashlarga ixtisoslashtirilgan bolalar va o‘smirlar sport maktabida kurash bo‘yicha erkaklar va ayollar o‘rtasida O‘zbekiston chempionati bo‘lib o‘tgan.“Polvonlardan biri hakamning qaroriga chidolmadi, shekilli, hakamga musht tushirdi. Bu paytda boshqa bir hakam esa musht tushirgan polvonga tashlandi. O‘rtada to‘polon kelib chiqdi”, — deydi “Daryo” manbasi.
Manbaning qo‘shimcha qilishicha, shu voqeadan so‘ng chempionat muxlislarsiz o‘tkazilgan.
“Milliy kurashni jahon arenalariga olib chiqishni niyat qilyapmiz. Ammo O‘zbekistonda bo‘layotgan chempionatni muxlislarsiz o‘tkazsak, bu qanchalik adolatdan bo‘ladi? Kurash va bahslar muxlislar bilan qiziq-ku”, — deydi “Daryo” muxbiri bilan suhbatlashgan manba.
O‘zbekiston kurash federatsiyasining 2022-yil 23-fevraldagi e’lonida “2022-yilning 26—28-fevral kunlari Samarqand shahrida kurash bo‘yicha erkaklar va ayollar o‘rtasida O‘zbekiston chempionati bo‘lib o‘tishi kerakligi haqida aytilgan. Chempionatning birinchi kunida gilamga 60, 66 kg vazn toifasidagi erkaklar hamda 48, 52 vazndagi qizlar chiqishi, ikkinchi kundagi bahslarda esa 73, 81, 90 kg vazndagi erkaklar va 57, 63, 70 vazndagi qizlar bellashishi haqida xabar berilgan. Shuningdek, chempionatning uchinchi kunida esa eng og‘ir vazndagi (100,+100 kg) erkaklar va 78, 87, +87 vazndagi ayollar o‘zaro bellashishi ta’kidlangan.
Mavzuga doir:
- “Metallurg” klubi boshlig‘i “Mash’al”ga qarshi o‘yindan keyin raqib bosh murabbiyi Aleksandr Xomyakovga musht tushirdi (video)
- Toshkentda taksi haydovchisi yo‘lovchi qizning yuziga musht tushirdi. Holat bo‘yicha IIBB ma’lumot berdi
- Chilonzordagi kafeda janjal ko‘tarib, ichki ishlar xodimiga qo‘l ko‘targan shaxslar hibsga olindi
Izoh (0)