Ukraina prezidenti ofisining vakili Mixail Podolyak Ukraina Rossiya bilan muzokaralar olib borishdan, jumladan, o‘zining betaraflik maqomi to‘g‘risida gaplashishdan “qo‘rqmasligini” aytdi. Ammo Ukraina xavfsizligi va kelishuvlarning bajarilishini kim kafolatlashi masalasini yechish kerak, deya xabar berdi Meduza Podolyakning so‘zlariga tayanib.
Ukraina muzokaralar uchun hamisha o‘rin qoldirib kelgan va bundan keyin ham shunday. Xususan, hozir — Rossiya keng miqyosli bosqinga kirishgan paytda ham. Bu urushni to‘xtatish kerak. Harbiy harakatlarga chek qo‘yish lozim.Rossiya rasmiylari Ukrainadagi “maxsus harbiy operatsiyani”, jumladan, mamlakatning “militarizatsiyasi” va NATOga qo‘shilishi mumkinligi bo‘yicha Kreml nuqtayi nazari bilan izohlamoqda. Urush boshlanishidan bir necha oy oldin Rossiya G‘arb davlatlaridan Ukrainaning alyansga a’zo bo‘lmasligiga kafolat talab qilgandi. NATO bunday kafolatlarni berishdan bosh tortgan.Prezident Zelenskiy bugun xalqqa murojaatida yevropalik suhbatdoshlaridan ularning biz bilan jang qilishga va Ukrainani NATOda ko‘rishga tayyorligini eshitmaganini aytdi. Bu ularning qo‘rqayotganidan darak.
Ammo Ukraina qo‘rqmaydi. Rossiya bilan gaplashishdan qo‘rqmaydi. Kafolatlar haqida, neytral maqom haqida gapirishdan qo‘rqmaydi. Bugun Moskvadan ularning nima demoqchiligini eshitdik. Agar ular betaraflik maqomi haqida gapirmoqchi bo‘lsa, biz bunday muhokamadan qo‘rqmaymiz. Yagona savol shuki, kim va qanday qilib Ukraina xavfsizligi va kafillar tomonidan kelishuvlarning bajarilishini kafolatlay oladi?
Mixail Podolyak
Rossiya—Ukraina urushiga oid tezkor, ishonchli yangiliklar va ma’lumotlarni Daryo’ning live sahifasi orqali kuzatib boring → @Daryo_Live
Izoh (0)