“Qancha oddiy bo‘lsa, shuncha yaxshi”. Moda ortidan quvmaydigan Gollivud yulduzlari (foto)

“Qancha oddiy bo‘lsa, shuncha yaxshi” — Amanda Seyfrid, Kristen Styuart, Anjelina Joli va boshqa bir qancha yulduzlar mazkur shiorga amal qiladi. Wday nashri qizil gilamda hashamatli kiyinsa-da, kundalik hayotda oddiy kiyinadigan, “trend” so‘zi ular uchun hech qanday ma’noga ega emasligini isbotlagan mashhurlar haqida ma’lumot beradi.

Kristen Styuart

Gollivudning ba’zi mashhurlari ham tendensiyalardan uzoqlashishni afzal ko‘rishadi. Ular orasida Kristen Styuart ham bor, u o‘zining kiyim tanlashi bilan muxlislari va moda ixlosmandlarini tez-tez hayratga soladi. Qizil gilamda u ko‘pincha Balenciaga yoki Chanel kabi mashhur brendlarning avangard kiyimlarini afzal ko‘radi. Biroq boshqa vaqtlarda Kristen butunlay boshqacha kiyinadi.

Uning shkafini asosan tor jinsi shimlar, Converse krossovkalari va keng futbolkalar tashkil etadi. Ba’zan u paypoqlarini jinsi ustidan tortib olishi ham mumkin. Aktrisaning uyda eskirgan krossovkalar va tolstovkalarning bitmas-tuganmas zaxirasi borga o‘xshaydi.

Anjelina Joli

Anjelina Joli ham modaga umuman amal qilmaydi. Garderobining aksariyat qismi oddiy, ba’zan “shaklsiz” kiyimlardan iborat. Yulduz qora rangga alohida mehr qo‘ygan. Bunday kiyinish uslubining afzalliklari bor: soddaligi va nafisligi tufayli Joli hech qachon eng didsiz mashhurlar ro‘yxatiga kiritilmaydi.

Shuni alohida ta’kidlash kerakki, aktrisaning shkafida juda ko‘p nafis va ixcham liboslar ham mavjud, masalan, jiddiy kostyumlar yoki oq bluzkalar. Yulduz ularni kundalik kiyimdek kiyishdan tortinmaydi.

Jodi Foster

Jodi Foster kamdan kam hollarda qizil gilamda paydo bo‘ladi va juda sirli hayot kechiradi. Bir necha yil oldin u shaxsiy hayotini yanada ehtiyotkorlik bilan yashira boshladi.

Ba’zi hamkasblari singari aktrisa zamonaviy kiyimlarga mutlaqo befarq. Uning uchun asosiy narsa qulaylik va ixchamlikdir, shuning uchun uning tanlovi — tekis shimlar, krossovkalar, ko‘ylaklar va jiletlar.

Amanda Seyfrid

Amanda Seyfrid sevimli iti bilan Nyu-York yoki Los-Anjelesda sayr qilishni yaxshi ko‘radi. Bunday paytda u qulay kiyim kiyadi.

Eskirgan futbolkalar, cho‘zilgan sport shimlari, sport leggingslari, mini shortilar, yugurish poyabzallari, uzun kurtkalar – oddiy, ko‘zga tashlanmaydigan kiyimlar aktrisaning e’tiborga tushmasligiga yordam beradi.

Jennifer Garner

Jennifer Garner olilasi uchun karyerasidan voz kechganiga ancha bo‘lgan. Yulduz filmlarda tez-tez suratga tushmaydi, lekin eri va bolalarini doim qo‘llab-quvvatlaydi. Farzandlarni tarbiyalash va uy ishlari bilan shug‘ullanish ham og‘ir ish, aktyorlikdan oson emas.

Ehtimol, shuning uchun Jennifer kundalik hayotda muhim oilaviy masalalar va ba’zan hatto biznes uchun qulay bo‘lgan kiyimlarni kiyishni afzal ko‘radi. U keng oddiy sviterlar va plashli ko‘ylaklar bilan jinsi shim kiyadi.

Juliana Mur

Julianna Mur ba’zi mashhurlardan farqli o‘laroq, bitta libosni bir necha marta kiyishdan tortinmaydi. Aktrisaning bunday “sevimli” kiyimlari juda ko‘p. Ko‘chada yulduzni tanish amrimahol.

“Insoniyat farzandi” filmi yulduzi va Kann kinofestivalining “Oltin palma novdasi” sohibasini oddiy qora kurtka va zamsh etikda hech kim tanimasa kerak.