AOKAda o‘tkazilgan brifingda Monopoliyaga qarshi kurashish qo‘mita raisi o‘rinbosari Bekzod Ummatov tizimda 2021-yilda qo‘mita tomonidan amalga oshirilgan ishlar to‘g‘risida ma’lumot berdi.
Qayd etilishicha, raqobatga ta’siri baholangan boshqa vazirlik va idoralar hamda ularning hududiy bo‘linmalari tomonidan ishlab chiqilgan 1,5 mingta normativ-huquqiy hujjatlar loyihalari o‘rganilgan. Natijada 278 ta loyihada raqobatga zid normalar aniqlangan va ularni bartaraf etish tegishli xulosalari berilgan.
Shuningdek, mahalliy hokimliklar tomonidan qabul qilingan 976 ta hamda davlat organlarining 374 ta hujjatlari raqobatga zid deb topilgan. Ularni bekor qilish choralari ko‘rilgan.
Eslatib o‘tamiz, brifingda O‘zbekistonda 100 mingdan ortiq aholidan kommunal to‘lovlari uchun ortiqcha undirilgan 8 milliard so‘m qaytarilgani haqida ham xabar qilindi.
Izoh (0)