АОКАда ўтказилган брифингда Монополияга қарши курашиш қўмита раиси ўринбосари Бекзод Умматов тизимда 2021 йилда қўмита томонидан амалга оширилган ишлар тўғрисида маълумот берди.
Қайд этилишича, рақобатга таъсири баҳоланган бошқа вазирлик ва идоралар ҳамда уларнинг ҳудудий бўлинмалари томонидан ишлаб чиқилган 1,5 мингта норматив-ҳуқуқий ҳужжатлар лойиҳалари ўрганилган. Натижада 278 та лойиҳада рақобатга зид нормалар аниқланган ва уларни бартараф этиш тегишли хулосалари берилган.
Шунингдек, маҳаллий ҳокимликлар томонидан қабул қилинган 976 та ҳамда давлат органларининг 374 та ҳужжатлари рақобатга зид деб топилган. Уларни бекор қилиш чоралари кўрилган.
Эслатиб ўтамиз, брифингда Ўзбекистонда 100 мингдан ортиқ аҳолидан коммунал тўловлари учун ортиқча ундирилган 8 миллиард сўм қайтарилгани ҳақида ҳам хабар қилинди.
Изоҳ (0)