Shavkat Mirziyoyev 14-fevral kungi mashinasozlik sanoatiga doir yig‘ilishda sohani klaster usulida rivojlantirish kerakligini aytdi. Bu haqda prezident matbuot kotibi Sherzod Asadov xabar qildi.
“Endi mashinasozlik tarmog‘ini sanoat klasteri usulida rivojlantiramiz. Buning uchun yetarli imkoniyat va salohiyatimiz bor”, — deydi prezident.
Qayd etilishicha, ilm-fanga asoslanib, “injiniring – butlovchi qismlar – tayyor mahsulot – savdo va servis” yaxlit zanjiri yaratiladi. Bunda:
- 8 ta yirik mashinasozlik korxonasi (yengil va yuk avtomobillari, avtobuslar, qishloq xo‘jaligi texnikalari ishlab chiqaruvchilar);
- butlovchi qismlar ishlab chiqaruvchi 300 dan ziyod korxona;
- moliya, logistika, ichki va tashqi bozorlardagi savdo va servis tarmog‘i;
- Turin politexnika va Andijon mashinasozlik institutlari faoliyatini qamrab olish zarur.
Klasterga xorijiy investorlar va xususiy sektorni jalb qilish uchun shart-sharoitlar yaratiladi. Bu borada 1-iyulga qadar “O‘zavtosanoat”ning 3 ta korxonasini sotuvga chiqarishga ko‘rsatma berildi.
Izoh (0)