Shavkat Mirziyoyev 14-fevral kuni mashinasozlik sanoati istiqbollariga bag‘ishlangan yig‘ilish o‘tkazdi. Unda avtomobillar eksportiga oid bir qancha vazifalar qo‘yildi, deb xabar bermoqda prezident matbuot kotibi Sherzod Asadov.
Qayd etilishicha, ichki talabdan kelib chiqib 2022-yilda 410 million dollarlik mahsulot eksport qilish rejalashtirilgan. Yig‘ilishda bu raqam tarmoqdagi mavjud imkoniyatlarga nisbatan ancha kamligi ta’kidlangan.
Shu bois avtomobillarni ko‘proq ichki bozorga yo‘naltirib, butlovchi qismlar hisobiga yillik eksportni 500 million dollarga yetkazish topshirig‘i berilgan.
Bunda Rossiya va Qozog‘istonning yirik savdo tarmoqlari orqali butlovchi qismlar sotish tajribasini boshqa davlatlarda ham yo‘lga qo‘yish maqsadga muvofiqligi qayd etilgan.
Izoh (0)