O‘zbekistonda 2021-yilda qancha baliq ovlangani ma’lum qilindi
O‘zbekistonda 2021-yilning yanvar—dekabr oylari davomida 173 866 tonna baliq ovlangan, deb xabar beradi Davlat statistika qo‘mitasi.
Foto: “Daryo” / Madina Nurman
E’lon qilingan ma’lumotlarga ko‘ra, eng ko‘p baliq Xorazm viloyatida ovlangan bo‘lsa (31 ming tonnadan ortiq), eng kami Surxondaryo viloyati hisobiga to‘g‘ri kelgan (qariyb 5 ming tonna).
Hududlar kesimida ovlangan baliq hajmi:
Xorazm viloyati – 31 117 tonna;
Samarqand viloyati – 21 982 tonna;
Andijon viloyati – 17 663 tonna;
Qoraqalpog‘iston Respublikasi – 14 454 tonna;
Navoiy viloyati – 13 503 tonna;
Jizzax viloyati – 13 139 tonna;
Farg‘ona viloyati – 11 763 tonna;
Buxoro viloyati – 11 421 tonna;
Namangan viloyati – 11 187 tonna;
Toshkent viloyati – 10 222 tonna;
Qashqadaryo viloyati – 6 505 tonna;
Sirdaryo viloyati –5 933 tonna;
Surxondaryo viloyati – 4 977 tonna.
Eslatib o‘tamiz, yanvar o‘rtalarida “Baliqchilik tarmog‘ini yanada rivojlantirishning qo‘shimcha chora-tadbirlari to‘g‘risida”gi prezident qarori qabul qilingandi. Unga ko‘ra, 2022-yil 1-fevraldan 2025-yil 1-yanvargacha baliqchilikni intensivlashtirish uchun zarur bo‘lgan asbob-uskunalar va texnologiyalar (aerator, basseyn, avtokormushka, UZV) hamda qayta ishlash uskunalarini ishlab chiqarishni yo‘lga qo‘ygan, biroq daromadining 80 foizidan ortig‘ini ushbu uskunalarni ishlab chiqarishdan oladigan subyektlar uchun foyda solig‘i (tijorat banklarida joylashtirilgan mablag‘lardan olingan foizlardan tashqari), yuridik shaxslardan olinadigan yer solig‘i, yuridik shaxslarning mol-mulkiga solinadigan soliq va suv resurslaridan foydalanganlik uchun soliq stavkalari 50 foizga kamaytiriladi.
Izoh (0)