Xalqaro moliya korporatsiyasi (XMK) O‘zbekiston hukumatiga mamlakatning kimyo va o‘g‘itlar sektoridagi yetakchi ishtirokchilardan biri “Farg‘onaazot”ni xususiylashtirishda ko‘maklashish to‘g‘risidagi bitimni imzoladi.
Bundan 60 yil muqaddam tashkil etilgan mazkur davlat korxonasi azotli o‘g‘itlar, defoliantlar, sellyuloza atsetatlar ishlab chiqarish bo‘yicha mamlakatdagi yirik korxonalardan biri hisoblanadi.
Deloitte xalqaro konsalting kompaniyasi ushbu bitim bo‘yicha yetakchi maslahatchi, XMK esa strategik maslahatchi vazifasini bajaradi.
Prezident farmoniga muvofiq, DABA kompaniyadagi 99 foiz davlat ulushini raqobat asosida sotishni maqsad qilgan.
O‘zbekiston kimyo sanoatining raqobatbardoshligini oshirish uchun strategik salohiyatga ega xususiy investorlarni jalb etish muhim ahamiyatga ega. Bu xususiylashtirish O‘zbekiston hukumati ushbu yo‘nalishda amalga oshirayotgan eng muhim qadamlaridan biridir.
Akmalxon Ortiqov, Davlat aktivlarini boshqarish agentligi direktoriO‘zbekistonda kimyo va o‘g‘itlar sohasi o‘sish uchun ulkan salohiyatga ega bo‘lsa-da, uni mamlakat ehtiyojlarini qondira oladigan va eksport salohiyatini rivojlantiradigan zamonaviy sanoatga aylantirish islohotlar va xususiy sektor sarmoyasini talab qiladi.
Kimyo sanoati O‘zbekistonda noyob resurs afzalliklariga ega bo‘lgan asosiy tarmoqdir. Ilg‘or islohotlar va texnologiyaga sarmoya kiritilishi bilan kimyo sanoati O‘zbekistonning iqtisodiy rivojlanishida muhim rol o‘ynashi mumkin.
Viebke Shlomer, XMKning Turkiya va Markaziy Osiyo bo‘yicha direktoriMarkaziy Osiyoning eng ko‘p aholisi bo‘lgan O‘zbekistonda misli ko‘rilmagan iqtisodiy o‘zgarishlar ro‘y bermoqda. 2022-yil 1-fevral holatiga ko‘ra, XMK O‘zbekistonda 225 million dollar investitsiya majburiyatlarini oldi.
XMKning maslahat xizmatlari O‘zbekiston hukumatiga davlat banklarini xususiylashtirishga tayyorlash, moliya bozorini rivojlantirish va diversifikatsiya qilish, paxtachilik sohasini o‘zgartirish, kimyo sanoatini rivojlantirish, energiya va sog‘liqni saqlash sohasida yordam berishdan iborat.
Xalqaro moliya korporatsiyasi qanday tashkilot?
XMK rivojlanayotgan mamlakatlarda xususiy sektorga qaratilgan eng yirik global rivojlanish institutidir.
Jahon banki guruhining a’zosi bo‘lgan XMK rivojlanayotgan mamlakatlarda xususiy sektorning o‘sishini rag‘batlantirish orqali iqtisodiyotni rivojlantirishga yordam beradi.
2021-moliya yilida XMK rivojlanayotgan mamlakatlardagi xususiy kompaniyalar va moliya institutlariga 31,5 milliard dollar miqdorida rekord darajadagi mablag‘ ajratdi. Bu mamlakatlar iqtisodiyoti COVID-19 pandemiyasining ta’siri bilan kurashayotgan bir paytda o‘ta qashshoqlikka barham berish va umumiy farovonlikni ta’minlash uchun amalga oshirildi.
XMK 1956-yilda tashkil etilgan. Bu davrda korporatsiya 100 dan ortiq mamlakatlarda “rivojlanayotgan bozorlar” atamasini ishlab chiqdi va barqaror obligatsiyalar kabi yangi bozorlarni yaratishga harakat qilmoqda.
Izoh (0)