Telegram jamoasi ilovaning yangi versiyasini taqdim qildi. Unga ko‘ra, ilovada videostikerlar, animatsiyalar, qo‘shimcha emojilar va boshqa narsalarda o‘zgarishlar yuzaga keldi.
Videostikerlar
Yangilanishdan so‘ng video stikerlar ko‘rinishi o‘zgardi. Interaktiv emoji sifatida ishlatish mumkin bo‘lgan smayliklar soni oshdi. Qo‘shimcha emojilarga ega reaksiyalar, ko‘rinmaydigan reaksiyalarni ko‘rib chiqish tugmasi, bir chatdan boshqasiga o‘tish va boshqa o‘zgarishlar paydo bo‘ldi.
Telegram’ga boshqa ilovalardan stikerlarni ko‘chirib o‘tkazish mumkin bo‘ladi. Buning uchun sitikerlarni @stickers bot orqali PNG yoki WEBP formatida joylashtirish kerak. PNG yoki WEBP formati 512x512 kvadratga sig‘ishi, tomonlaridan biri 512px, ikkinchisi 512px yoki undan kam bo‘lishi kerak.
Dasturchilar Telegram’ga stikerlar yaratish va import qilish maqsadida kuchli ilovalar yaratish uchun Sticker Import API’dan foydalanishlari mumkin.
Reaksiyalar va interaktiv emojilar
Reaksiyalar orasida animatsiyaga ega bo‘lganlari soni ko‘paydi. Guruhlarda o‘qilmagan xabarlarga reaksiyalar bildirilgan bo‘lsa, o‘qilgan zahoti reaksiyalar ishga tushadi.
Interaktiv emoji sifatida ishlatish mumkin bo‘lgan yangi reaksiyalar qo‘shildi. Bular — ????.
Bir chatdan boshqasiga o‘tish
O‘qilmagan kanal yoki chatlar bo‘ylab ilovadan foydalanilayotgan vaqtda, ma’lum bir chatga qaytish uchun “orqaga” tugmasi bosib turilsa kanal, chat va gruppalar ro‘yxati hosil bo‘ladi va istalgan biriga o‘tish imkoni yuzaga keladi.
“Dasturchilarimiz yanvar oyida ikki hafta davomida Telegram ilovalaridagi ma’lum muammolarni bartaraf etishga to‘liq e’tibor qaratdi. Boshqa narsalar qatorida, ular qo‘ng‘iroq sifatini yaxshilashga e’tibor qaratdi. Instant View sahifalarida ( iOS’dagi bios) tarjimani amalga oshirish, almashish menyusidan ovozsiz xabarlarni yuborish imkoniyati va boshqa o‘nlab o‘zgarishlar ilovaga qo‘shildi”, — deyiladi bayonotda.
Yangilangan versiyani ham iOS, ham Android foydalanuvchilari yuklab olishlari mumkin.
Izoh (0)