Golden House kompaniyasi Toshkentning Mirzo Ulug‘bek tumanidagi bo‘sh binolar va inshootlarni sotib oladi. Bu haqda Davlat aktivlarini boshqarish agentligining matbuot xizmati xabar berdi.
Gap 2021-yilning kuzidagi kimoshdi savdosiga qo‘yilgan “Uzmetkombinat” ombori haqida ketmoqda. Golden House Development MCHJ kompaniyasi lot uchun 74 mlrd so‘m taklif qilgan va savdo g‘olibiga aylangan.
Agentlikning ta’kidlashicha, mazkur joyda maishiy, sport va ijtimoiy xizmat ko‘rsatish, ko‘ngilochar markazlar, turar joylar va boshqa infratuzilmalarni o‘z ichiga olgan zamonaviy majmua qurilishi ko‘zda tutilgan.
Avvalroq so‘nggi yillar ichida Toshkentdagi qaysi davlat mulki kimga sotilgani haqida xabar berilgan edi.
Izoh (0)