O‘zbekiston xalq artisti Viloyat Oqilova 2-fevral kuni 84 yoshida vafot etdi. Bu haqda Madaniyat vazirligi matbuot xizmati xabar bedi.
Viloyat Oqilova 1937-yil 12-oktabrda Samarqand viloyatida, O‘zbekiston xalq artisti Isoxor Oqilov oilasida tug‘ilgan.
1958—1994-yillarda O‘zbekiston Davlat filarmoniyasida raqqosa, baletmeyster, 1994—1996-yillarda “Turkiston” saroyida, 1996-yildan O‘zbekiston xorijiy mamlakatlar bilan madaniy-ma’rifiy aloqalar jamiyatida baletmeyster bo‘lgan.
Raqqosa sifatidagi faoliyati davomida “Zang”, “Larzon”, “Shodlik”, “Xorazm lazgisi”, “Tojik go‘zali”, “Pomir raqsi”, “Afg‘oncha”, “Dilrabo”, “Shodiyona” kabi bir qancha raqslarni ijro etgan.
Izoh (0)