Asli Krasnodar o‘lkasida tug‘ilgan, hozirda Mayamida yashaydigan, Maldiv orollarida dam oladigan va o‘z garderobini har hafta yangilaydigan yetti yashar Nastya Radzinskayaga har qanday odamning havasi kelsa kerak, hoynahoy. Bunday hayot tarzi qizaloq va uning ota-onasiga 2021-yilda 28 mln dollar daromad keltirdi. Qanaqasiga?
2022-yilning 14-yanvarida Nastya Radzinskaya Forbes’ning eng qimmat YouTube blogerlari jahon reytingiga kiritildi. Nashriyot uning daromadini 28 mln dollarga baholadi
Nastya tug‘ilganida unga bolalarda uchraydigan miya falaji (DSP) tashxisi qo‘yildi – doktorlar qizaloq yura olmasligi va gapira olmasligini aytishgan edi. Qizaloqning ota-onasi kasallikni davolash uchun qo‘ldan kelgan barcha imkoniyatdan foydalanishdi va bir necha yillardan so‘ng kasallik alomatlari yo‘qola boshladi.
Davolash usullaridan biri kamera qarshisida ishlash bo‘ldi: Nastyaning ota-onasi uni atrof-olam bilan shunday muloqot qilishga o‘rgatdi. Hozirda uning videoroliklari rus, ingliz, arab va ispan tillarida tomosha qilinadi. Videolarda qizaloqning maktabga ketishga (AQSHda 5 yoshdan ta’lim olish mumkin) tayyorgarlik ko‘rishi, ovqatlanishi, yangiliklardan quvonishi, uning erkalik va injiqliklari, batutda sakrashi yosh aktrisaga oyiga yuz minglab dollar daromad keltiradi.
Nastyaning ota-onasi, ikki yil avval Forbes nashriga bergan intervyusida rossiyalik qizaloq qanday qilib ko‘plab xalqaro korporatsiyalar rahbarlaridan boyib ketganini aytib berishdi.
Nastya tug‘ilganida unga bolalarda uchraydigan miya falaji (DSP) xastaligining og‘ir shakli tashxisi qo‘yildi – doktorlar qizaloq yura olmasligi va gapira olmasligini aytishgan edi.
2014-yili Anna va Yuriy Radzinskiylar oilasida Nastya ismli qizaloq dunyoga keldi. Doktorlar bola shakllanishi davridagi shikastlanish natijasida yuz bergan DSP kasalligining og‘ir shakli tashxisini qo‘yishdi.
Bizga Nastya yura olmasligini va gapira olmasligini aytishgan edi, – eslaydi Anna.
Turmush o‘rtog‘i bilan birgalikda farzandining sog‘ayishi uchun barcha imkoniyatlardan foydalanishdi, doktorlarga ko‘rsatishdi, kun-u tun bola bilan suhbatlashib o‘tirishar edi. Qizaloq ikki yoshga yetganida, u yaxshi rivojlanayotgani ma’lum bo‘ldi.
Yoki davolanishlar va bizning mehr-muhabbatimiz yordam berdi, yoki doktorlar tashxis qo‘yishda adashishdi, – deydi Radzinskaya.
Davolanishdan so‘ng erishilgan natijani mustahkamlash uchun Nastyaning ota-onasi unda aktyorlik qobiliyatlarini rivojlantirishga qaror qilishdi.
Biz YouTube’da bolalarning sovg‘alarni ochishi tasvirga olingan videolar, ular uchun juda qiziqarli ekanligiga guvoh bo‘ldik va Nastyani tasvirga olishga urinib ko‘rishga qaror qildik, – deydi Anna.
Million obunachiga ega qizaloq
YouTube’dagi bolalar segmenti – minglab kuzatuvchilarga ega ulkan yo‘nalish. Biz bolalar auditoriyasi uchun alohida maxsus YouTube Kids ilovasini ishga tushirganmiz, – deydi Rossiya va MDXdagi YouTube hamkorlari bilan ishlash bo‘yicha yo‘nalish rahbari Yelizavetta Lixina.
Biz birinchi emasdik, ammo mashhurlikka juda tez orada erisha boshladik. O‘ylashimcha, bunga Nastyaning kadrda o‘zini tabiiy tutishi yordam bergan. U jarayonga butunligicha o‘zini bag‘ishlab, undan chin dildan bahra oladigan bola. Uning harakatlarini tomosha qilishning o‘zi yoqimli”, – deydi Anna. Tomoshabinlar, asosan, siyqasi chiqqan multfilmlarning o‘rniga Nastyaning hayoti haqidagi videoroliklarni tomosha qiluvchi bolalardan iborat edi.
Kanal unchalik katta bo‘lmagan daromad keltira boshladi. Radzinskiylar reklama beruvchilarni izlab o‘tirishmadi. Maydoncha, o‘sha paytlardagi YouTube qoidalariga ko‘ra, asosiy video boshlanishidan avval qo‘yilib, 10 mingdan ziyod ko‘rishlar sonini yig‘adigan reklama roliklarini avtomatik tarzda birlashtirar, keyin esa reklama beruvchilardan olingan pullarning bir qismini muallifga yuborishar edi.
«Nastyani ko‘chalarda tanishni boshlashdi: Tailand, Malayziya, Indoneziyadagi bolakaylar qizaloqni ko‘rsatishib, “O, sen YouTube’dagi qizsan-ku!” deyishar edi
Keskin o‘zgarishlarga boy davr shaxsiy blogning ishga tushirilishidan yarim yil o‘tib yuz berdi. O‘sha kunlardan boshlab Radzinskiylar hisobiga YouTube’dan kuniga 20 ming rubldan pul tushib turar edi.
Biz, bora-bora hammasi o‘sib borishini tushunib yetdik: bugun 20 ming, ertaga undan ko‘p. Shu tarzda biz oyiga qariyb 10 ming dollar ishlab topdik – bu esa yaxshi daromad, – deydi Nastyaning ota-onasi.
Obunachilar soni bir millionga yetdi, daromad esa o‘n minglab dollarlarga aylandi.
Nastyani hattoki ko‘chalarda tanib qolishar edi: Tailand, Malayziya, Indoneziya va biz borgan joylardagi bolalar qizimizni ko‘rastib, “O, sen YouTube’dagi qizsan-ku!” deb, uni ismi bilan chaqirishar va birga rasmga tushishni so‘rashar edi, – deb gapirib beradi uning onasi.
O‘sha vaqtlarda qizaloqning ota-onasi to‘y liboslari saloni va bayramlarni tashkillashtirish kompaniyasini yopishdi, sababi loyihalar ko‘p vaqt va kuch talab qilar, daromadi ham katta emas edi. Qurilish kompaniyasi qoldirildi, ammo uni boshqarishni menejerga topshirishdi. Daromadlarining asosiy qismi uch yashar Nastyaning kanali bo‘ldi.
Amerika orzusi
Osiyo ta’tilidan so‘ng, Nastyaning videolari butun dunyo bolalariga qiziq ekanligi ma’lum bo‘ldi. Roliklar mazmuni so‘zsiz ham tushunarli edi, biroq xorij auditoriyasini kengaytirish uchun Radzinskiylar har bir videoni tarjima qildira boshladilar.
Buning uchun Nastya va uning otasi Yuriyning so‘zlarini tarjima qilish uchun tarjimon yollandi va qayta ovozlashtirildi. Ovozlashtirish ingliz tilidan boshlandi, keyin Lotin Amerikasini qamrab olish uchun ispan tili, so‘ng esa arab tili qo‘shildi.
Oddiy oilaviy videolardan boshlangan suratga olish jarayoni to‘laqonli biznesga aylandi: Radzinskiylar har kuni videorolik suratga ola boshlashdi, montajchilar va maxsus effektlar bo‘yicha mutaxassislarni yollashdi, kerakli rekvizitlar – noodatiy o‘yinchoqlar, aksessuarlar, manekenlarni izlashdi.
Rossiyada bunday narsalarni topish muammo, hech narsani topib bo‘lmaydi, Amazon kabi yirik savdo maydonlari deyarli hech qanday buyumlarni yetkazib bermaydi, - deydi qizaloqning onasi.
Cheklangan tanlov va Rossiya qish ob-havosidan zerikkan Radzinskiylar 2017-yilning oxirida Amerikaga jo‘nab ketishga qaror qilishdi.
Internet olamida yashovchi qizcha
Bugungi kunda Like Nastya Vlog asosiy kanali 85,7 mln obunachilarni qamrab olgan, birgina videoning rekord darajadagi ko‘rishlar soni 724 mln martani tashkil qiladi. Shunday qilib, Nastya YouTube’ning nafaqat Rossiya segmentida yetakchilik qiladi, balki jahonning eng mashhur blogerlari o‘ntaligiga ham kirishga ulgurgan.
Like Nastya – shubhasiz, dunyodagi eng muvaffaqiyatli bolalar kreatorlaridan biri, — ta’kidlaydi YouTube’dagi Yelizavetta Lixina. – Ushbu kanal bolalar mavzusidagi kontentni faol ishlab chiqara boshlagan dastlabki kanallardan biri hisoblanadi. Ular o‘z faoliyatini boshlashganida ushbu maydondagi raqobatchilar soni ko‘p emas edi, shu sababli kanal tez fursatda o‘sishni boshladi.
Anna Radzinskayaning so‘zlariga ko‘ra, ular blog uchun hech qachon reklama sotib olishmagan, obunachilarning oshib borishi o‘z-o‘zidan amalga oshgan.
Kanal kontenti kun sayin ta’lim va tarbiya tomonga qarab o‘zgarib bormoqda, ya’ni hech narsani yoddan chiqarmaslik uchun maktabga qanday tayyorlanish, avtomobilda o‘zini qanday tutish, planshetda video ko‘rganda ko‘zga qanday qilib zarar yetkazmaslik kabilarni targ‘ib etadi.
“Ushbu vaziyat kinoyulduz bolakaylar hayoti kabidir. Bu ularning taqdiriga o‘z ta’sirini o‘tkazadi: kutilmaganda yo‘qolgan mashhurlik, bola dunyoni qabul qilishida kuchli aks etishi mumkin”
Ushbu vaziyat kinoyulduz bolakaylar hayoti kabidir. Bu ularning taqdiriga o‘z ta’sirini o‘tkazadi: kutilmaganda yo‘qolgan mashhurlik bola dunyoni qabul qilishida, unga qanday nigoh bilan qarashida kuchli aks etishi mumkin, – ta’kidlaydi u. – Ha, bolalar uchun mo‘ljallangan YouTube – daromadli biznes, ammo men, masalan, bolalarimning bloger bo‘lishini istamagan bo‘lar edim.
Nastyaning ota-onasi bu haqida qayg‘urmayapti: ularning so‘zlariga ko‘ra, qizaloq jarayondan quvonadi va o‘zining mashhurligidan hech qanday salbiy oqibatlarni olmaydi.
Biz faqatgina qizimiz ishtirok etishni istagan videoroliklarni suratga olamiz.
Nastyaning o‘zi esa katta bo‘lganida biznesmen, balki aktrisa ham bo‘lishni orzu qilishi haqida aytib berdi.
Izoh (0)