Alisher Usmonov va uning sheriklariga qarashli bo‘lgan xolding oltin qazib olishga sarmoya kirituvchi yangi kompaniya tashkil qildi — USM Gold. Bu haqda RBK xabar beradi.
USM Gold MChJ ustav kapitali 500 000 rublni tashkil etadi. Kompaniya 100 foiz USM Holding Company MChJga tegishli va Moskvada ro‘yxatdan o‘tgan.
Xoldingning eng yirik aksiyadorlari Alisher Usmonov, Vladimir Skoch va Varvara Skochdir. USM ilgari oltin qazib olish bilan shug‘ullanmagan. Biroq u bir nechta metallurgiya korxonalariga, jumladan, Rossiyadagi eng yiriklaridan biri bo‘lgan “Metalloinvest”ga va mis ishlab chiqaruvchi “Udokan med” koniga egalik qiladi.
Hozircha yangi tashkil etilgan kompaniyaning yagona aktivi “Federovskoy” MChJ bo‘lib, uning 75 foiziga USM Gold egalik qiladi. Qolgan 25 foizlik ulush “Rosgeologiya”ga tegishlidir. 2021-yilning yozida “Rosgeologiya” Xakasiyadagi Fedorovsko—Kedrovskaya oltin qazib olish hududi uchun geologiya-qidiruv litsenziyasini olgan. Keyinchalik agentlik ushbu loyihaga USM tuzilmasini jalb qildi, deb yozadi RBK.
“Usmonov faqat “Federovskoy uchun yangi kompaniya yaratgan bo‘lishi dargumon. Bu juda kamtarona loyiha va ehtimol milliarderdan oltin qazib olishda muhimroq qadamlarni kutish kerak”.
Rossiya Geotexnologiyalar instituti rivojlanish direktori Mixail LeskovMutaxassislar bozorda yangi yirik o‘yinchi paydo bo‘lishi mumkinligini istisno qilmadi. USM Gold kompaniyasi, Forbes ma’lumotlariga ko‘ra Rossiyadagi eng boy tadbirkor — Aleksey Mordashov va boshqa milliarderlarning korxonalari bilan raqobatlashishiga to‘g‘ri keladi.
“Sarmoyadorlarning oltin qazib olish, aktivlarini sotib olishga qiziqishi ortib borayotgani valyuta xatarlarining kuchayib borayotganini aks ettiradi. Oltin dunyodagi inflyatsiyaning yaqinlashib kelayotgan to‘lqini fonida qadrlanmagan aktiv bo‘lib qolmoqda, shuning uchun oltin qazib olish, aktivlarini sotib olish mudofaa strategiyasiga o‘xshaydi”.
Rossiya milliy reyting agentligi xizmati direktori Sergey GrishuninAvvalroq aprel oyida Alisher Usmonov oltin, mis, noyob metallari — bu O‘zbekiston iqtisodiyotiga kirishni zarur deb bilgan har qanday investor uchun katta foydani va’da qilayotgani to‘g‘risida gapirib o‘tgandi.
Izoh (0)