2021-yil sentabr holatiga ko‘ra, O‘zbekiston iqtisodiyotining qariyb 50 foizini tashkil etuvchi 3 mingga yaqin obyekt davlat nazoratida edi. Taqqoslash uchun, AQShda bu ko‘rsatkich 11 foiz, Yaponiyada esa 5 foiz.
Vaziyatni to‘g‘rilash uchun hukumat katta xususiylashtirish dasturini boshladi. Moliyaviy sabablarga qo‘shimcha ravishda, hukumat aktivlarni xususiy mulkka o‘tkazish yo‘li bilan korxonalarni samarasiz boshqarish muammosini hal qilmoqchi.
Tayinlangan shaxs korxonaga o‘zinikidek munosabatda bo‘lmaydi. Agar biz xususiy sektorni rivojlantirmasak, iqtisodiy o‘sishga erisholmaymiz, shuning uchun iqtisodiyotdagi davlat ulushini kamaytirishimiz kerak, — deydi Davlat aktivlarini boshqarish agentligi direktori Akmalxon Ortiqov.
Moliya vaziri Timur Ishmetovning aytishicha, xususiylashtirishdan asosiy maqsad pul emas, sifat. Masalan, banklar doirasida xorijdan jalb qilingan strategik hamkor boshqalarga o‘rnak bo‘la oladi.
2021 yilning 8 oyida 4 trln 500 mlrd so‘mlik (Markaziy bankning 9 noyabrdagi kursi bo‘yicha 420,8 mln dollar) 619 ta davlat aktivi sotilgan. Taqqoslash uchun, oldingi 3 yilda bu ko‘rsatkich 45 million dollarni tashkil qilgan.
Ushbu tushumning salmoqli qismi Toshkent shahri hissasiga to‘g‘ri keldi va shahar bo‘ylab bir qancha yirik obyektlar muvaffaqiyatli sotildi. “Daryo” eng diqqatga sazovorlari bilan interaktiv xaritani tuzib chiqdi:
Tez orada yana bir qancha ko‘chmas mulk egalari o‘zgaradi, bu borada muzokaralar olib borilmoqda yoki ariza beruvchilardan arizalar yig‘ish boshlangan. Ular orasida “Ipotekabank”, “Poytaxt bank”, “O‘zagroeksportbank”, “Hayat” va “Poytaxt” mehmonxonalari, Tashkent City parki va boshqalar bor.
Izoh (0)