Алишер Усмонов ва ҳамкорлари олтин билан шуғулланадиган компания ташкил қилди

Алишер Усмонов ва унинг шерикларига қарашли бўлган холдинг олтин қазиб олишга сармоя киритувчи янги компания ташкил қилди — USM Gold. Бу ҳақда РБК хабар беради. 

USM Gold МЧЖ устав капитали 500 000 рублни ташкил этади. Компания 100 фоиз USM Holding Company МЧЖга тегишли ва Москвада рўйхатдан ўтган. 

Холдингнинг энг йирик акциядорлари Алишер Усмонов, Владимир Скоч ва Варвара Скочдир. USM илгари олтин қазиб олиш билан шуғулланмаган. Бироқ у бир нечта металлургия корхоналарига, жумладан, Россиядаги энг йирикларидан бири бўлган «Металлоинвест»га ва мис ишлаб чиқарувчи «Удокан мед» конига эгалик қилади. 

Ҳозирча янги ташкил этилган компаниянинг ягона активи «Федеровской» МЧЖ бўлиб, унинг 75 фоизига USM Gold эгалик қилади. Қолган 25 фоизлик улуш «Росгеология»га тегишлидир. 2021 йилнинг ёзида «Росгеология» Хакасиядаги Федоровско—Кедровская олтин қазиб олиш ҳудуди учун геология-қидирув лицензиясини олган. Кейинчалик агентлик ушбу лойиҳага USM тузилмасини жалб қилди, деб ёзади РБК.

«Усмонов фақат Федеровской учун янги компания яратган бўлиши даргумон. Бу жуда камтарона лойиҳа ва эҳтимол миллиардердан олтин қазиб олишда муҳимроқ қадамларни кутиш керак».

Россия Геотехнологиялар институти ривожланиш директори Михаил ЛесковМутахассислар бозорда янги йирик ўйинчи пайдо бўлиши мумкинлигини истисно қилмади. USM Gold компанияси, Forbes маълумотларига кўра Россиядаги энг бой тадбиркор — Алексей Мордашов ва бошқа миллиардерларнинг корхоналари билан рақобатлашишига тўғри келади.

«Сармоядорларнинг олтин қазиб олиш, активларини сотиб олишга қизиқиши ортиб бораётгани валюта хатарларининг кучайиб бораётганини акс эттиради. Олтин дунёдаги инфляциянинг яқинлашиб келаётган тўлқини фонида қадрланмаган актив бўлиб қолмоқда, шунинг учун олтин қазиб олиш, активларини сотиб олиш мудофаа стратегиясига ўхшайди».

Россия миллий рейтинг агентлиги хизмати директори Сергей ГришунинАввалроқ апрель ойида Алишер Усмонов олтин, мис, ноёб металлари — бу Ўзбекистон иқтисодиётига киришни зарур деб билган ҳар қандай инвестор учун катта фойдани ваъда қилаётгани тўғрисида гапириб ўтганди.