Samarqand viloyat hokimi Erkinjon Turdimov boshchiligidagi viloyat faollari 30-yanvar kuni Samarqand shahridagi Islom Karimov maqbara-majmuasida yig‘ildi, deb xabar bermoqda viloyat Ichki ishlar boshqarmasi.
Qayd etilishicha, u yerda mutasaddilar Birinchi prezident qabrini ziyorat qilgan. Yorqin xotirasiga hurmat bajo keltirilib, Qur’on tilovat qilgan.
Foto: Samarqand viloyat Ichki ishlar boshqarmasi
“Shundan so‘ng viloyat va shahar hokimliklari, huquq-tartibot idoralari vakillari, harbiylar hamda keng jamoatchilik Islom Karimov haykali poyiga gullar qo‘ydi”, — deyiladi xabarda.
O‘zbekistonliklar birinchi prezident Islom Karimovni qanday xotirlaydi? Ushbu savolga javob olish maqsadida “Daryo” kichik so‘rovnoma o‘tkazdi.
So‘rovnomada ishtirok etganlarning aksari marhum prezident Islom Karimovni “O‘zbekistonni oyoqqa turg‘azib bergan”, “Buyuk shaxs, boshqa ta’rif yo‘q”, “Eng qiyin davrlardan olib chiqqan” deya esladi. Ular Islom Karimovni mustaqillik asoschisi sifatida biladi.
Izoh (0)