O‘zbekistonning qator viloyatlarida 25-yanvar kuni soat 11:00 larda elektr energiyasi ta’minoti uzilgani sabab Toshkent metropoliteni faoliyati vaqtincha to‘xtagandi. Favqulodda vaziyatlar vazirligi metro vagonlari ichida qolib ketgan fuqarolar olib chiqilganini ma’lum qildi.
Qayd etilishicha, “Toshkentmetropoliteni”ning “Mashinasozlar” (135 nafar), “Bodomzor-Minor” (70 nafar) va “Amir Temur” (210 nafar) bekatlari oralig‘ida (vagonlar ichida) qolib ketgan jami 415 nafar yo‘lovchi olib chiqilgan.
Shuningdek, soat 12:10 da Namangan viloyati Pop tumani 114-116-kilometrlarida yuk poyezdi to‘xtab qolganligi uchun 83-kilometrda yo‘lovchi poyezd vaqtinchalik to‘xtatilgan. Yuk poyezdini zaxira yo‘lga olib qo‘yish uchun teplovoz va Qamchiq MQYoQBdan maxsus texnikalarda qutqaruvchilar jalb etilgan.
Bundan tashqari elektr energiyasi tarmoqlarida ro‘y bergan uzilishlar sababli ko‘p kvartirali uylardagi liftlar to‘xtab qolgan. Ushbu hodisa yuzasidan Toshkent shahar FVB tezkor boshqaruv markaziga 51 ta liftda qolib ketgan fuqarolar bo‘yicha murojaat kelib tushgan, ularning 35 tasi kommunal soha tashkilotlari bilan hamkorlikda, qolgan 16 tasi qutqaruvchilar tomonidan chiqarib olindi.
Mavzuga doir:
- Toshkentda Buyuk ipak yo‘li—Olmazor metro yo‘nalishlari bo‘ylab avtobuslar qatnovi yo‘lga qo‘yiladi
- Energetika vazirligi O‘zbekistonda uch kun “svet” bo‘lmasligi to‘g‘risidagi xabarlarni rad etdi
- “Xavotirga o‘rin yo‘q”. SSV “svet” o‘chgani shifoxonalardagi operatsiya jarayonlariga xavf tug‘dirmasligini ma’lum qildi
Izoh (0)