O‘zbekistonning qator viloyatlarida 25-yanvar kuni soat 11:00 larda elektr energiyasi ta’minoti uzilgani xabar qilingandi. Elektr energiyasi ta’minotidagi uzilish sababli “O‘zbekneftgaz” AJga qarashli korxonalarda qurilmalar hamda stansiyalar faoliyati vaqtincha to‘xtadi.
Qayd etilishicha, “O‘zbekneftgaz” tasarrufida bo'lgan Gazli, Sho‘rtan va Muborak NGQChBlardagi 64 ta kon vaqtincha faoliyatini to‘xtatdi, Ustyurt GQChBda muqobil elektr energiyasi mavjudligi sababli ishlamoqda.
Ishlab chiqarish bilan bog‘liq bo‘lgan korxonalardan Buxoro neftni qayta ishlash zavodi, 3 ta gazni qayta ishlovchi zavod (Muborak gazni qayta ishlash zavodi, Sho‘rtan gaz-kimyo majmuasi va Uzbekistan GTL faoliyatini to‘xtatdi va elektr energiya berilishi bilan ularni ish rejimiga tushirish grafiklari ishlab chiqildi hamda vaqtinchalik shtab tashkil etildi.
Iqtisodiyot tarmoqlari hamda aholiga suyultirilgan gaz va neft mahsulotlarini uzluksiz yetkazib berilmoqda, ayni vaqtda uzilishlar mavjud emas.
14 ta neft bazada va Toshkent shahrida dizel yoqilg‘isi va benzin mahsulotlarini tizimli yetkazib berilmoqda, 29 ta mobil yoqilg‘i quyish shoxobchalari ish faoliyatini boshladi.
Bundan tashqari, neft bazalarga barcha korxona va tashkilotlarga kechagi kungi o‘rtacha birja narxidan kelib chiqib benzin va dizel yoqilg‘isini to‘g‘ridan to‘g‘ri sotish topshirig‘i berildi. Bugungi kunda 47 ming tonna benzin (20 kunlik), 144 ming tonna (4 oylik) dizel yoqilg‘isi zaxirasi mavjud.
Shuningdek, sog‘liqni saqlash muassasalari alohida nazoratga olinib, qayerda dizel yoqilg‘isida uzilishlar bo‘lsa, neft bazalar uzluksiz yetkazib berilishi choralari ko‘rilgan.
“O‘zbekneftgaz” AJ, “Hududiy elektr tarmoqlari” AJ hamda “O‘zbekiston Milliy elektr tarmoqlari” AJning tegishli mutaxassislari hamkorligida yuzaga kelgan holatni bartaraf etish bo‘yicha tezkor ishlar amalga oshirilmoqda.
25-yanvar kuni soat 11:00 larda O‘zbekistonning qator viloyatlarida elektr energiyasi ta’minoti uzildi. Toshkent metropoliteni faoliyati ham to‘xtagan, Respublikadagi barcha poyezdlar o‘z manzillariga kechikib yetib borishi aytilmoqda. Toshkent shahar IIBB esa tibandliklarning oldini olish maqsadida ko‘chaga zarurat bo‘lmasa, shaxsiy mashinada chiqmaslikni tavsiya qilmoqda.
Energetika vazirligi ma’lumotlariga ko‘ra, hozirda Toshkent viloyatidagi Chorvoq, Hojikent va Tovoqsoy gidroelektr stansiyalari, Navoiy viloyatidagi Navoiy issiqlik elektr stansiyasi, Qoraqalpog‘iston Respublikasidagi Taxiatosh issiqlik elektr stansiyasi hamda Farg‘ona viloyatidagi Farg‘ona issiqlik elektr markazi orqali energetika tizimiga quvvat uzatish boshlangan. “Daryo” nashri xodimlari va o‘quvchilarining xabar berishicha, Toshkent shahrining ayrim hududlarida elektr ta’minoti tiklanmoqda.
Izoh (0)