Yaponiyaning eng yirik avtomobil ishlab chiqaruvchisi Toyota dunyo bo‘ylab barcha zavodlarini yopmoqchiligini e’lon qildi. Ishlab chiqarishning to‘xtatilishga yarimo‘tkazgichlar yetishmasligi sabab bo‘lmoqda, deb yozadi “Avtoblog”.

Foto: depositphotos

Zavodlarning yopilishi ortidan Toyota moliyaviy yil oxirigacha (2022-yil 31-mart) 9 million dona avtomobil ishlab chiqarish rejasini amalga oshira olmaydi.

Qayd etish kerakki, yarimo‘tkazgichlar inqirozi butun jahon avtomobilsozlik sanoatini tebratib yubordi. Mikrochiplar taqchilligi sabab Toyota kompaniyasi fevral oyida atigi 700 000 ta avtomobil chiqaradi (rejalashtirilganidan 16 000 ta kam).

Yaponiyadagi zavodlarning yopilishi Toyota Prius, RAV4, C-HR va Camry hamda Lexus brendi — LS va IS sedanlari, NX va UX krossoverlari kabi modellarni ishlab chiqarishga ta’sir qiladi.

Joriy moliyaviy yilda Toyota 9,3 million dona avtomobil ishlab chiqarishni rejalashtirgan edi. Ammo kompaniyaga shu vaqtgacha oyoqda turishga yordam bergan elektron komponentlar zaxirasi tugadi.