UzAuto Motors 19-yanvar kuni Lacetti va Cobalt vaqtincha magnitolasiz yetkazib berilishini ma’lum qildi. Kompaniya bunga sabab qilib yarimo‘tkazgichlarning global yetishmovchiligini keltirgan.
Avtomobil ishlab chiqaruvchi ushbu mazmundagi xabar bilan birinchi marta jamoatchilikni lol qoldirmayapti. 2021-yilning oktabr oyida kompaniya xaridorlarga o‘rindiq isitish modulisiz arzonroq Cobalt taklif qilgan edi. Oliy Majlis Qonunchilik palatasi deputati Rasul Kusherbayev buni iste’molchilar huquqlarini buzish deb baholagandi.
Ijtimoiy tarmoq foydalanuvchilari kompaniya xabarini turli mem va hazilomuz postlar bilan kutib oldi.
Quyida ulardan bir qanchasini taqdim etamiz.
“Kapgir” Telegram kanali muallifi keyinchalik kompaniya xaridorlarga avtomobillarning kuzovsiz variantini taqdim etishi mumkinligini yozib qoldirgan.
“Troll.uz” esa aksincha kompaniya keyinchalik faqatgina kuzov qismini taqdim etishi mumkinligini ta’kidlagan. Model nomi — No Insof Edition:)
“Rais Buva” ham kompaniya xabariga o‘ziga hos ravishda munosabat bildirgan.
O‘rindiqlar o‘rniga ko‘rpachalar.
Kanallardan biri esa “Senimi, shoshmay tur” multfilmidan parcha joylab, hazilomuz izoh qoldirgan.
Magnitoladan bo‘shagan joydan qanday to‘g‘ri foydalansa bo‘ladi? :)
Bloger va stand up ustasi Mirshakar Fayzullayev UzAuto Motors xabariga kinoya bilan munosabat bildirgan.
“Siz UzAuto Motors ishlab chiqargan mashinada ketyapsiz”
Xabar Telegram kanallardan boshqa platformalarda ham qizg‘in muhokama qilinmoqda.
Посмотреть эту публикацию в Instagram
Shuningdek, ijtimoiy tarmoqlarda magnitolasiz avtomobil saloni qanday ko‘rinishda bo‘lishi haqida tasdiqlanmagan video tarqaldi.
Izoh (0)