Retro avtomobillardan sportkarlargacha: Jahon yulduzlarining hashamatli avtoulovlari (foto)

Yulduzlarning hashamatli va eksklyuziv avtomobillari ko‘pincha muxlislar hamda paparatssilarning e’tiborini tortadi. Kimdir uchun mashina qulay transport vositasi, kimdir uchun ajoyib aksessuar, yana birovlarga bu kolleksiya uchun ajoyib buyumdir.

Xyu Grant – Ferrari F12 TDF

Narxi: 325 092 dollar

Britaniyalik aktyor Xyu Grant ushbu noyob va hashamatli Ferrari’ga egalik qilish uchun uni mashhur qilgan filmlardan olgan gonorarlaridan foydalangan. Grant nafaqat zamonaviy ko‘rinishga ega, balki 340 km/soat tezlikka ega sportkarning 800 nusxasidan birining egasidir.

Kendall Jenner – Rolls-Royce WraithNarxi: 325 530 dollar

O‘zini “avtomobil ixlosmandi” deb e’lon qilgan Kendall Jenner bir qator hashamatli mashinalarning faxrli egasidir. Uning kolleksiyasida noyob Ferrari va Cadillac’lar bor, lekin uning eng qimmat xaridi Rolls-Royce Wraith bo‘lib, Kendallga, taxminan, 400 000 dollarga tushgan.

Beyonse va Jay-Z – Rolls-Royce

Narxi: 28 292 298 dollar

Tabiat qo‘ynida tamaddi qilish uchun ajoyib to‘plam, shampan ichimligi uchun maxsus sovitkich va ko‘k rangli charm bilan bezatilgan Rolls Royce Boat Tail noyob avtomobili – aslida u dunyodagi eng qimmat modeldir. Bunday topilmaning egalari – Beyonse va Jay-Z.

Juftlik hashamatli avtomobillarga mehr qo‘ygan, shuning uchun ularning oilaviy kolleksiyasi doimiy ravishda eksklyuziv modellar bilan yangilanadi. Ularning garajida Rolls Royce’dan tashqari Ferrari F430 Spider, Porsche 911 Carrera Cabriolet va Maybach Exelero’ni ko‘rish mumkin.

Kanye Uest – Lamborghini Aventador

Narxi: 443 355 dollar

Sotib yubormasidan avval sobiq sevgilisi Kim Kardashyan tomonidan Kanyega sovg‘a qilingan Lamborghini Aventador repper kolleksiyasidagi eng qimmat mashinalardan biri bo‘lgan. Ammo repper bundan boshqa hashamatli mashinalarga ham ega, masalan, Mercedes Benz SLR McLaren Stirling Moss – dunyo bo‘yicha atigi 75 ta bor. Uning narxi, taxminan, 750 000 dollarni tashkil etadi.

Ledi Gaga – 1965-yilda ishlab chiqarilgan Lincoln Continental kabrioleti

Narxi: 457 952 dollar

Ledi Gaga nihoyatda qimmat mashinalarga ega va u ularni ko‘z-ko‘z qilishga ham qarshi emas. Uning kolleksiyasida (Lamborghini, ikkita Chevrolet va Rolls-Royce kiradi) 1965-yilda ishlab chiqarilgan retro Lincoln Continental Convertible’ni ham mavjud.