Saudiya Arabistonida 1–14-yanvar kunlari “Dakar” ralli-marafoni o‘tkazildi. Mazkur poygalar 2021-yilda ham Saudiyada bo‘lib o‘tgandi. “Interfaks” bu yilgi ralli-marafonining yodda qoladigan lahzalari aks etgan fotosuratlar jamlanmasini taqdim etdi.
“Dakar” rallisi uzoq vaqt davomida “Parij—Dakar” nomi bilan ham atab kelinadi. Mazkur ralli-marafonga fransiyalik Tyerri Sabin asos solgan. Poygalar “Dakar-1979”dan beri o‘tkazib kelinadi, 1978-yil dekabrida poygalarning birinchi reydiga start berilgan va yakuniy bosqich 1979-yilda o‘tkazilgandi.
2009-yilga qadar ralli Senegal poytaxti Dakarda boshlanar yoki tugar edi (1992- hamda 2003-yillar bu an’ana istisno qilingan). 2009-yildan 2019-yilgacha ralli Janubiy Amerikada o‘tkazildi, Afrika yo‘nalishidagi maxsus ishtirokchilar uchun Africa Eco Race poygalari tashkillashtirilgan. 2020-yilda ralli marshruti Osiyoga o‘zgardi va ikki yildan buyon Saudiya Arabistonida o‘tkazilmoqda.
Ralli-reydda professional sportchilar, zavodlarning jamoalari, shuningdek, havaskor poygachilar ishtirok etadi, havaskorlar umumiy qatnashchilarning 80 foizini tashkil qiladi. “Dakar”da 1981-yildan beri umumiy g‘oliblar ro‘yxati yuritilmaydi, musobaqalar g‘oliblari o‘z sinflarida e’lon qilinadi, bular hozirda avtomobillar, motosikllar, kvadrotsikllar, Side-by-side (UTV) motoyo‘ltanlamaslari va yuk mashinalari. Maxsus ishtirokchilarning yo‘nalishlari turli sinflarda turlicha bo‘lishi mumkin.
Izoh (0)