Buyuk Britaniya yana yuzlab harbiy xizmatchilarni Ukarina bilan qo‘shni bo‘lgan NATOga a’zo mamlakatlarga yuboradi. Bu Rossiyani “to‘xtatuvchi omil” sifatida xizmat qilishi mumkin, deb xabar beradi The Times.
Britaniya Mudofaa vazirligining rejasiga ko‘ra, mamlakat Sharqiy Yevropa mamlakatlaridagi harbiy kontingentini “yuzlab” harbiy xizmatchilar bilan kuchaytirish imkoniyatini ko‘rib chiqmoqda. Nashr ma’lumotlari bo‘yicha NATO a’zolari Estoniya, Latviya, Litva va Polshadagi o‘z ishtirokini kuchaytirish bo‘yicha yuqori darajadagi muzokaralarni o‘tkazgan.
Gazetaning eslatishicha, hozirda Buyuk Britaniya Estoniyadagi 1,2 ming kishilik jangovar guruhni boshqarmoqda, u yerda 830 nafar harbiy xizmatchi, tanklar, jangovar zirhli mashinalar, o‘zi yurar artilleriya qurollari, muhandislar guruhi, havo hujumidan mudofaa qilish va razvedka vositalari mavjud.
Polshada esa NATOning oldingi pozitsiyani mustahkamlash missiyasi doirasida 140 nafar britaniyalik harbiy xizmatchi mavjud.
19-yanvar kuni Britaniya Harbiy-havo kuchlarining C-17A Globemaster III og‘ir harbiy-transport samolyoti uch kun ichida hisob bo‘yicha sakkizinchi marta Ukarinaga parvoz qilgani ma’lum bo‘lgandi. Bunga qadar, Buyuk Britaniya mudofaa vaziri Ben Uolles parlamentdagi chiqishida, Birlashgan Qirollik Ukrainaga tankka qarshi qurollanishni yetkazib berishini ta’kdilagan edi.
Avvalroq Zelenskiy AQSh davlat kotibi bilan uchrashuvda Ukraina armiyasini modernizatsiya qilishda yordam so‘ragani, Kanada maxsus kuchlarining bir qismi Ukrainaga jo‘natilgani to‘g‘risida xabar berilgandi.
Mavzuga doir:
Mudofaa vaziri Lloyd Ostin ukrainalik hamkasbi bilan Rossiyaning Ukraina yaqinida harbiy jihatdan sababsiz va davomli kuchayishini muhokama qilgan. Ostin AQShning Ukraina suvereniteti va hududiy yaxlitligini, jumladan, mudofaa qobiliyatini mustahkamlashga qaratilgan sa’y-harakatlarini so‘zsiz qo‘llab-quvvatlashini yana bir bor tasdiqlagan.
Shuningdek, tomonlar keskinlikni yumshatish bo‘yicha diplomatik sa’y-harakatlarni qo‘llab-quvvatlashi va yaqindan hamkorlikni davom ettirishga intilishini bildirgan.
Izoh (0)