Shokirjon Imamov Mahallabay ishlash va tadbirkorlikni rivojlantirish agentligi Namangan viloyat hududiy boshqarmasi boshlig‘i etib tayinlandi. Bu haqda “Daryo” muxbiri Azizbek Abduvaliyev xabar bermoqda.
Shokirjon Imamov 1987-yilda Uychi tumanida tug‘ilgan. Ma’lumoti oliy, 2009-yilda Toshkent davlat iqtisodiyot universitetini tamomlagan.
Mehnat faoliyatini “Kamolot” yoshlar ijtimoiy harakati Uychi tuman bo‘limi kengashida boshlagan. Shundan so‘ng Uychi tumani hokimligi bosh mutaxassisi, tuman investitsiyalar va tashqi savdo bo‘limi boshlig‘i, tuman iqtisodiyot va sanoat bo‘limi boshlig‘i vazifalarida ishlagan.
Shokirjon Imamov mazkur tayinlovga qadar Uychi tuman hokimining birinchi o‘rinbosari — tuman iqtisodiy taraqqiyot va kambag‘allikni qisqartirish bo‘limi boshlig‘i lavozimida ishlab kelayotgandi.
Izoh (0)